Va Ukrainie vynieśli zavočny prysud uradžencu Biełarusi, jaki kamanduje Čarnamorskim fłotam Rasiei
Alaksandr Vitko naradziŭsia ŭ Viciebsku, jaho dziacinstva i junactva prajšli ŭ Voršy. Kryminalnuju spravu suprać jaho zaviali ŭ 2014 hodzie, piša «Svaboda».
Kijeŭski apelacyjny sud paćvierdziŭ vyrak, vyniesieny zavočna kamandujučamu Čarnamorskim flotam Rasiei Alaksandru Vitko ab pazbaŭleńni voli na 15 hadoŭ za vajennuju akupacyju Krymu.
Apelacyju na vyrak, vyniesieny ŭ traŭni 2023 hodu, padaŭ advakat Alaksandra Vitko. Termin adbyvańnia pakarańnia pačnie adličvacca z dnia jahonaha zatrymańnia.
Kamandujučaha Čarnamorskim flotam (ČF) Rasiei, jaki naradziŭsia ŭ 1961 hodzie ŭ Viciebsku, abvinavačvali pavodle šaści artykułaŭ Kryminalnaha kodeksu Ŭkrainy. Kančatkovaje pakarańnie pryznačyli pavodle sukupnaści złačynstvaŭ šlacham pahłynańnia mienš strohaha bolš strohim pakarańniem.
Zhodna z vyrakam, Alaksandar Vitko ciaham lutaha-sakavika 2014 hodu «splanavaŭ, padrychtavaŭ i arhanizavaŭ raźmierkavańnie vajskovych padraździełaŭ Rasiei, jakija ažyćciavili ŭvarvańnie na terytoryju Krymu, i zabiaśpiečyŭ maskavańnie vajskoŭcaŭ ČF Rasiei dla viadzieńnia ahresiŭnaj vajny suprać Ukrainy».
Aproč taho, jaho abvinavačvali ŭ planavańni i vyznačeńni abjektaŭ, jakija spačatku zablakavali, a potym zachapili.
«Takim čynam, jon učyniŭ u papiaredniaj zmovie z hrupaj asobaŭ u planavańni i padrychtoŭcy ahresii suprać Ukrainy, čym zabiaśpiečyŭ vajskovuju akupacyju Krymu, što pryviało da ciažkich nastupstvaŭ u vyhladzie parušeńnia terytaryjalnaj cełasnaści Ŭkrainy i naniasieńnia škody ŭ vyhladzie straty abjektu dziaržaŭnaj ułasnaści na sumu bolš za 1 080 352 miljony hryŭniaŭ», — adznačajecca ŭ rašeńni suda.
Hetuju sumu, jakaja ekvivalentnaja bolš jak 27 miljardam dalaraŭ, sud pastanaviŭ spahnać z kamandujučaha Čarnamorskim flotam Rasiei.
U toj ža čas apelacyjny sud pryznaŭ Alaksandra Vitka «nievinavatym u vystaŭlenym jamu abvinavačańni pavodle č.1 artykułu 111 Kryminalnaha kodeksu Ŭkrainy (epizod padryŭnoj dziejnaści) i apraŭdaŭ u suviazi ź niedakazanaściu hetaha kryminalnaha pravaparušeńnia».
Alaksandar Vitko naradziŭsia ŭ Viciebsku, jaho dziacinstva i junactva prajšli ŭ Voršy. Kryminalnuju spravu suprać jaho zaviali ŭ 2014 hodzie.
Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda28
Kamientary
10 dziesiać!!!! padletkaŭ kursantaŭ u Sievastopale śpiavali himn Ukrainy kali ŭ vučelnie " spuskali" ściah Ukraina..achficiery admirały śpiavali himn rf
10 Dziesiać Padletkaŭ Kuprsantaŭ...