Frantavy śviatar z-za adsutnaści moščaŭ vykarystaŭ dla praviadzieńnia jeŭcharystyi kostki zahinułych rasijskich sałdat
Takoj historyjaj padzialiŭsia viadučy «Sałaŭjoŭ Live» Siarhiej Karnavuchaŭ, piša telehram-kanał «Aściarožna, naviny».
Pavodle jaho słoŭ, baciušku treba było pravieści tainstva dla vajennych, jakija źbiralisia iści na šturm, ale ŭ jaho nie było antyminsu — šaŭkovaj materyi z ušytaj u jaho čaścicaj moščaŭ jakoha-niebudź pravasłaŭnaha pakutnika, jakaja vykarystoŭvajecca pry liturhii. Śviatar vyrašyŭ, što ŭ hetym vypadku antyminsam možna budzie ličyć ziamlu, u jakoj lažać kostki zahinułych.
«Jon kaža: «Ja baču, što ziamla bliščyć. Kości chłopcaŭ našych, jakija ŭ roznyja dni hinuli (a vajna ž užo idzie treci hod), jany napoŭnili ŭsio hetaje pole. Prajšli pa ich tanki. I my kali hetuju ziamlu vyzvalili, hetyja kostački bieleńkija pabliskvajuć na soncy. Ja tady zrazumieŭ, što kožny z hetych chłopcaŭ — jon śviaty».
Paśla hetaha śviatar pakłaŭ čašu dla liturhii na ziamlu, jakuju jon paličyŭ antyminsam i zdoleŭ pravieści tainstva.
Kamientary