Франтавы святар з-за адсутнасці мошчаў выкарыстаў для правядзення еўхарыстыі косткі загінулых расійскіх салдат
Такой гісторыяй падзяліўся вядучы «Салаўёў Live» Сяргей Карнавухаў, піша тэлеграм-канал «Асцярожна, навіны».
![](http://nnexpictures.fra1.digitaloceanspaces.com/img/w732d4webp1/photos/z_2022_03/-bbtg5.jpg.webp)
Паводле яго слоў, бацюшку трэба было правесці таінства для ваенных, якія збіраліся ісці на штурм, але ў яго не было антымінсу — шаўковай матэрыі з ушытай у яго часціцай мошчаў якога-небудзь праваслаўнага пакутніка, якая выкарыстоўваецца пры літургіі. Святар вырашыў, што ў гэтым выпадку антымінсам можна будзе лічыць зямлю, у якой ляжаць косткі загінулых.
«Ён кажа: «Я бачу, што зямля блішчыць. Косці хлопцаў нашых, якія ў розныя дні гінулі (а вайна ж ужо ідзе трэці год), яны напоўнілі ўсё гэтае поле. Прайшлі па іх танкі. І мы калі гэтую зямлю вызвалілі, гэтыя костачкі беленькія пабліскваюць на сонцы. Я тады зразумеў, што кожны з гэтых хлопцаў — ён святы».
Пасля гэтага святар паклаў чашу для літургіі на зямлю, якую ён палічыў антымінсам і здолеў правесці таінства.
Каментары