Ad siońnia ŭsie buchhałtarskija słužby pracadaŭcaŭ pry pryznačeńni dapamoh pa časovaj niepracazdolnaści buduć uzajemadziejničać niepasredna z Fondam sacyjalnaj zaniataści nasielnictva.
Z hetaha času pry raźliku listoŭ časovaj niepracazdolnaści buduć inakš vystaŭlać sumu siaredniadzionnaha zarobku, piša «Sputnik».
Minimalny pamier dapamohi ciapier zaležyć ad minimalnaha zarobku, ciapier jon składaje 626 rubloŭ, abo amal 200 dalaraŭ u ekvivalencie. Pa raniejšych normach bazaj dla raźliku była pałova BPM — biudžetu pražytačnaha minimumu (mienš za 210 rubloŭ).
Tyja, u kaho pracoŭny staž składaje bolš za 10 hadoŭ, atrymajuć 100% stračanaha zarobku ź pieršaha dnia chvaroby (raniej za pieršyja 12 dzion pakryvali 80%, astatnija dni chvaroby — poŭnuju sumu). Kali staž mienšy za 10 hadoŭ, to ź pieršaha dnia chvaroby budzie apłačvacca 80%.
Akramia taho, dapamoha pa časovaj niepracazdolnaści budzie pryznačacca pa asnoŭnym miescy pracy, a nie pa kožnym, jak heta było raniej.
Siaredniaja praciahłaść zachvorvańnia pracoŭnych u Biełarusi składaje kala 11 dzion.
Kamientary