Raniej samym vysokim budynkam Minska ličyŭsia ŽK «Łazuryt», što na skryžavańni praśpiekta Pieramožcaŭ i vulicy Naračanskaj.
Hałoŭny chmaračos Minska, što ŭ rajonie «Minsk-śviet», «uziaŭ» usie svaje 42 ŭzroŭni. Z 40 da 42 pavierchaŭ budynak «skoknuŭ» za paŭtara miesiaca. Ciapier bietonny «kontur» zakryty, sprava za bolš pryjemnymi voku haradžanina pracami, a mienavita — mantažom fasada, piša Onliner.by.
Jak raspaviała ŭ efiry telekanała ANT dyrektar kampanii «Dana Astra» Śviatłana Ščatko, na ŭsich budynkach MFC (a heta piać strojnych «słupkoŭ») upieršyniu ŭ krainie budzie vykarystanaja modulnaja sistema fasadaŭ. «Heta budzie panaramnaje taniravanaje škleńnie, jakoje nadaść novaje abličča kvartału», — adznačyła śpiecyjalist.
Raboty na MFC iduć kruhłasutačna, zaviaršyć prajekt zabudoŭščyk raźličvaje ŭ 2027 hodzie. «Śviečki» pobač buduć adviedzienyja pad biznes-apartamienty. A voś chmaračos budzie ŭklučać u siabie ofisnyja płoščy, fitnes-centr, restaran. Na samym viersie raźmieścicca ahladnaja placoŭka (jana dakładna stanie miescam pryciahnieńnia).
Zaraz pradstaŭniki zabudoŭščyka skančajuć raspracoŭvać kancepcyju MFC, zatym jany pradstaviać jaje svajmu kiraŭnictvu i dalej buduć abaraniać pierad usimi profilnymi ministerstvami. Abiacajuć u pieršuju čarhu stvaryć asablivyja pravavyja ŭmovy dla biznesu.
***
Samym vysokim budynkam Minska ličyŭsia ŽK «Łazuryt», što na skryžavańni praśpiekta Pieramožcaŭ i vulicy Naračanskaj.Jaho vyšynia — 138,6 m razam sa špilem. Dźvie centralnyja siekcyi majuć 37 pavierchaŭ.
ŽK «Vietraź», što kala stancyi mietro «Frunzienskaja», maje 34 pavierchi, vyšynia składaje 133 m z ulikam techničnych nadbudoŭ na dachu i špila. Vyšynia ŭzroŭniu dachu — 114 m.
Treciaje miesca było ŭ biznes-centra «Rojał Płaza» kala stancyi mietro «Niamiha». Jon pabudavany ŭ 2014 h. Tut 33 pavierchi, a vyšynia budynka składaje 130 m sa špilem. Zatoje dach — na 116 m, tak što, kali vymiarać pa im, to «Rojał Płaza» abychodzić «Vietraź».
Hajdukievič paraiŭ biełarusam, jakija nie ździajśniali złačynstvaŭ, «adsiedzieć i žyć dalej»19
Kamientary
Lepš by budavali pa ŭsioj Biełarusi zručnyja sučasnyja domiki. Za MKADam taksama ludzi žyvuć!
A to ŭsich u Minsk ciahnuć, a inšyja rehijony stajać pustyja.