Polšča razhladaje mahčymaść zakryć reštu pierachodaŭ na miažy ź Biełaruśsiu
Polskija ŭłady razhladajuć mahčymaść zakryć dva jašče dziejnyja pamiežnyja pierachody na miažy ź Biełaruśsiu, zajaviŭ uviečary 22 červienia ŭ efiry telekanała TVN24 ministr zamiežnych spraŭ Polščy Radasłaŭ Sikorski.
Pavodle słoŭ Sikorskaha, pakul u Varšavie vyvučajuć pytańnie, «ci budzie heta adčuvalna dla polskaj ekanomiki». Jon zajaviŭ, što takuju mahčymaść razhladajuć «u suviazi ź dziejańniami Biełarusi».
Asnoŭnaja pryčyna — situacyja ź inśpiravanym režymami Łukašenki i Pucina mihranckim kryzisam na miažy, jaki ciahniecca ŭžo z 2021 hoda, a apošnim časam znoŭ abvastryŭsia.
«Finy zakryli pamiežnyja pierachody z Rasijaj, i prablemy skončylisia», — dadaŭ ministr.
Ciapier na polska-biełaruskaj miažy dziejničajuć usiaho dva punkty propusku: «Kukuryki» («Kazłovičy») dla hruzavych pieravozak i «Tarespal» («Brest») — dla lehkavych aŭtamabilaŭ i aŭtobusaŭ.
Raniej, u kancy maja, premjer-ministr Polščy Donald Tusk, naadvarot, zajaŭlaŭ, što mahčymaje adkryćcio KPP «Babroŭniki» na miažy ź Biełaruśsiu, zakrytaha 10 lutaha 2023 hoda. Ale niepasredna paśla hetych słoŭ adbyŭsia novy vitok mihranckaha kryzisu, u chodzie jakoha navat zahinuŭ polski vajskoviec. Tamu hetyja płany adrazu stali nieaktualnymi.
Andžej Duda palacieŭ u Kitaj i budzie tam havaryć pra Biełaruś
«Mahli ź biełaruskimi pamiežnikami zakuryć cyharetu». Jak žyvie polskaje pamiežža z bufiernaj zonaj
Polski ŭrad nie staŭ davać svaim pamiežnikam «licenziju na zabojstva»
Turysty na polska-biełaruskaj miažy stali atrymlivać tryvožnyja esemeski. Ci varta panikavać?
Polskija fiermiery raźlili śviny hnoj na miažy ź Biełaruśsiu — kab spynić mihrantaŭ-musulman
Łatuška: Ryžankoŭ maryć stać prezidentam Biełarusi i nienavidzić Łukašenku. Jon nie projdzie detektar chłuśni6
Kamientary