Taki ŭkaz padpisała prezident krainy Maja Sandu.
![](http://d3kcf2pe5t7rrb.cloudfront.net/img/w840d4webp1/photos/z_2023_12/gettyimages-1806240826-a553w.jpg.webp)
Hałoŭnym pierahavorščykam ad Małdovy budzie vice-premjer pa pytańniach jeŭrapiejskaj intehracyi Kryścina Hierasimava.
«Ustupleńnie ŭ ES — heta naš šlach da miru, roskvitu i lepšaha žyćcia dla ŭsich hramadzian. Žadaju našaj delehacyi pośpiechaŭ u aficyjnym pačatku pieramovaŭ u Luksiemburhu na nastupnym tydni», — napisała Sandu ŭ X.
Pieramovy ab ustupleńni Małdovy i Ukrainy ŭ Jeŭrasajuz pačnucca 25 červienia. Kišynioŭ padaŭ zajaŭku na ŭstupleńnie ŭ ES u sakaviku 2022 hoda.
Jeŭrakamisija raniej vysoka acaniła prahres Małdovy i Ukrainy na šlachu praviadzieńnia jeŭraintehracyjnych reformaŭ.
Pakul apošniaj krainaj, pryniataj u ES, źjaŭlajecca Charvatyja — jana stała členam abjadnańnia ŭ 2013 hodzie. Pieramovy ab ustupleńni Charvatyi ŭ Jeŭrasajuz praciahvalisia bolš za 10 hadoŭ.
Kamientary