Paśla novych sankcyj ZŠA dalar u Biełarusi padaražeŭ, ale tolki na 0,8 kapiejki
Jeŭra vyras na 1,89 kapiejki.
Na tarhach u Minsku 13 červienia dalar padaražeŭ na 0,83 kapiejki (0,92 pracenta) da 3,1971 biełaruskaha rubla.
Jeŭra raście na 1,89 kapiejki da 3,4470.
Učora Ministerstva finansaŭ ZŠA abjaviła pra ŭviadzieńnie sankcyj suprać Maskoŭskaj biržy i jaje klučavych struktur — Nacyjanalnaha klirynhavaha centra i Nacyjanalnaha raźlikovaha depazitaryja. Handlovaja placoŭka, a taksama NKC i NRD ŭniesieny ŭ SDN-list — samy žorstki sankcyjny śpis, jaki zabaraniaje lubyja apieracyi, vynikaje z relizu Upraŭleńnia pa kantroli za zamiežnymi aktyvami. Paviedamlałasia, što tarhi dalaram i jeŭra na Maskoŭskaj biržy ad siońnia buduć prypynienyja, a jany ŭpłyvali i na tarhi ŭ Biełarusi.
Rasijski rubiel vyras na 0,21 kapiejki da 3,581 za 100 adzinak.
Juań padaje na 3,63 kapiejki da 4,3390 za 10 adzinak.
U pačatku hoda kursy byli nastupnyja:
dalar — 3,1775
jeŭra — 3,52
rasijski rubiel — 3,4991
kitajski juań — 4,4414
A najbolšy kurs dalara ŭ hetym hodzie składaŭ 3,2809 (tarhi 17 krasavika).
Kamientary