Na sieradu pryznačyli pres-kanfierencyju prezidenta Francyi. Tam jon pavinien abviaścić novuju stratehiju.
Francuzski prezident Emanuel Makron zajaviŭ, što nie źbirajecca padavać u adstaŭku, jakim by ni byŭ vynik pazačarhovych parłamienckich vybaraŭ, paviedamiła Le Figaro.
Palityka spytali, ci nie baicca jon, što apazicyjnaje «Nacyjanalnaje abjadnańnie» ŭ vypadku pieramohi na pazačarhovych parłamienckich vybarach zapatrabuje jaho adstaŭki.
«Nacyjanalnaje abjadnańnie» nie piša Kanstytucyju i nie vyznačaje jaje duch. Jany dosyć vyraznyja, jak i paŭnamoctvy prezidenta, niezaležna ad vyniku. Heta dla mianie nieparušna», — adkazaŭ Makron.
Kamientary prahučali paśla taho, jak Europe1 paviedamiła sa spasyłkaj na krynicy, što Makron nie vyklučaje mahčymaści svajoj adstaŭki ŭ jakaści krajniaha srodku. «Jon hatovy achviaravać svaim piacihadovym terminam (jon byŭ pieraabrany ŭ 2022-m hodzie)», — dadała krynica Europe1.
Na viečar 11 červienia była zapłanavanaja pres-kanfierencyja Makrona, adnak niezadoŭha da jaje pačatku mierapryjemstva pieranieśli na 12:00 12 červienia (13:00 pa Minsku) Na joj Makron źbirajecca raspavieści nie pra adstaŭku, a vykłaści płany na pieradvybarčuju kampaniju.
Na minułych vybarach u Jeŭraparłamient krajnie pravaje «Nacyjanalnaje abjadnańnie» atrymała 31,5%, tady jaje Besoin d'Europe, u jakuju ŭvachodzić partyja Makrona «Adradžeńnie», 14,5%
Makron viečaram u niadzielu pryznačyŭ novyja vybary ŭ parłamient krainy na 30 červienia i 7 lipienia.
Ciapierašni jahony prezidencki termin pavinien skončycca ŭ mai 2027 hoda.
Makron abmiarkoŭvaŭ mahčymaść svajoj adstaŭki
Makron raspuściŭ francuzski parłamient i abviaściŭ daterminovyja vybary
Pra što dumaŭ Makron, abviaščajučy daterminovyja vybary
Premjer Bavaryi zaklikaŭ jak maha chutčej pravieści vybary ŭ Hiermanii paśla pravału partyi Šolca na vybarach
Mnohija jeŭrapiejskija ultrapravyja ŭžo daloka nie ultra. A staŭki Rasii znoŭ nie spracavali. Što jašče pakazali vybary ŭ Jeŭraparłamient
Kamientary