Lada ŭpieršyniu pradstaviła svaju novuju madel — Iskra. Što za jana?
Na Pieciarburžskim mižnarodnym ekanamičny forumie AŭtaVAZ pakazaŭ novuju madel u liniejcy — Lada Iskra. Jaje płanavali vyvieści na rynak jašče letaś, ale praz sankcyi rasijskamu aŭtavytvorcu daviałosia skarektavać płany.
![](http://nnexpictures.fra1.digitaloceanspaces.com/img/w732d4webp1/photos/z_2024_06/screenshot2024-06-06125425-dlkcc.png.webp)
Źjavicca 6-stupieńčataja miechanika
Novuju Lada pabudavali na «adaptavanaj» płatformie CMF-B LS ad Renault-Nissan. Na hetaj ža płatformie ŭ Jeŭropie vypuskajuć Dacia Logan treciaha pakaleńnia.
Na Lada Iskra upieršyniu za ŭsiu historyju isnavańnia Lada źjavicca 6-stupieńčataja miechanika. Jana budzie pracavać u pary ź bienzinavym 16-kłapannym ruchavikom abjomam 1,6 litra mahutnaściu 106 k.s.
Aŭtamabil u bazavaj viersii budzie pradavacca z 8-kłapannym ruchavikom na 1,6 litra mahutnaściu 90 k.s. i 5-stupieńčataj miechanikaj.
Taksama budzie dastupny varyjant z aŭtamatyčnaj karobkaj pieradač.
![](http://nnexpictures.fra1.digitaloceanspaces.com/img/w732d4webp1/photos/z_2024_06/screenshot2024-06-06124959-ug33p.png.webp)
Miljardnyja vydatki i vysoki ŭzrovień łakalizacyi
Źjaŭleńnie «iskry» nazyvajuć pieršaj pieramohaj na šlachu pa impartazamiaščeńni, jakuju ŭdałosia dasiahnuć za dva hady. Na prezientacyi paviedamili, što prajekt pa raspracoŭcy novaha madelnaha šerahu abyšoŭsia ŭ 23 miljardy rasijskich rubloŭ (heta kala 259 miljonaŭ dalaraŭ). Paviedamlajecca, što dla jaje vypusku łakalizavali zvyš dvuch tysiač kampanientaŭ. Uzrovień łakalizacyi aceńvajuć u 3/4.
Sieryjny vypusk «iskry» zapłanavany na pačatak nastupnaha hoda. Aŭtamabil prapanujuć u kuzavach siedan, univiersał i kros-univiersał.
![](http://nnexpictures.fra1.digitaloceanspaces.com/img/w732d4webp1/photos/z_2024_06/screenshot2024-06-06125241-3eh37.png.webp)
Što pačym?
AŭtaVAZ pazicyjanuje Lada Iskra jak niešta siaredniaje pamiž Lada Granta i Lada Vesta. Dakładnaja cana navinki nieviadomaja, ale ekśpierty vykazvajuć mierkavańnie, što ceny buduć u miežach 1,1 — 1,5 miljona rasijskich rubloŭ, što składaje kala 12 400 — 16 800 dalaraŭ.
U hod płanujuć vypuskać ad 70 da 100 tysiač «iskraŭ».
Čatyrochhadovaja Maja Lubimcava, jakuju šukali bolš za sutki, zahinuła
![](http://nnexpictures.fra1.digitaloceanspaces.com/img/w450h300crop1webp1/photos/z_2024_07/maja240703-6qkyg.jpg.webp)
Kamientary