U vioscy Plabancy Pružanskaha rajona pjany 15-hadovy chłopiec pasvaryŭsia z baćkam. U časie kanfliktu razjušany padletak da śmierci źbiŭ mužčynu.
Pa danych śledstva, uviečary 21 kastryčnika 2023 hoda padletak pryvioŭ dadomu svaich znajomych i piŭ ź imi harełku. Paźniej pamiž synam i baćkam adbyŭsia kanflikt, padčas jakoha chłopiec źbiŭ mužčynu. Pry hetym jon paprasiŭ siabra zdymać heta na kamieru mabilnaha telefona.
Baćka, nie aprytomnieŭšy, pamior ad šmatlikich traŭm, u toj čas jak jaho syn razam sa znajomymi pajšli z domu.
U chodzie śledstva niepaŭnaletni nie pryznaŭ vinu i śćviardžaŭ, što nie chacieŭ zabivać baćku.
Ale, pavodle śledstva, u syna z baćkam skłalisia asabistyja niepryjaznyja adnosiny. Na videa zachavałasia, jak padletak padčas źbićcia nieadnarazova vykazvaŭ namiery zabić baćku. Ekśpiertyzaj ustanoŭlena, što chłopiec nanios baćku nie mienš za 19 udaraŭ u vobłaść žyćciova važnych orhanaŭ.
Niepaŭnaletniamu vystaŭlena abvinavačańnie pa č. 2 art. 139 (zabojstva, učynienaje z asablivaj žorstkaściu).
Kamientary