Uładzimir Pucin padpisaŭ ukaz, u adpaviednaści ź jakim majomaść ZŠA abo źviazanych ź imi asob u Rasii moža vykarystoŭvacca dla kampiensacyi strataŭ RF abo Centrabanka RF.
U pryvatnaści, u adpaviednaści z ukazam, RF i Bank Rasii buduć mieć mahčymaść źviarnucca ŭ rasijski sud u vypadku «nieabhruntavanaha pazbaŭleńnia ich pravoŭ na majomaść z pryčyny rašeńniaŭ uład ZŠA i amierykanskich sudoŭ i patrabavać tam kampiensacyi strataŭ».
«Rasijski pravaŭładalnik maje prava źviarnucca ŭ sud u adpaviednaści Praviłami padsudnaści, ustalavanymi pracesualnym zakanadaŭstvam Rasiejskaj Fiederacyi, z zajavaj ab ustanaŭleńni fakta nieabhruntavanaha pazbaŭleńnia jaho pravoŭ na majomaść u suviazi z pastanovaj Dziaržaŭnaha abo sudovaha orhana Złučanych Štataŭ Amieryki i ab kampiensacyi škody», — havorycca ŭ dakumiencie.
U zajavie treba budzie pryvieści acenku škody.
Urad RF pavinien na praciahu čatyroch miesiacaŭ unieści ŭ zakony papraŭki, nieabchodnyja dla vykanańnia prezidenckaha ŭkaza.
Kamientary