My pierapravieryli «śpisy padpisantaŭ niezaležnych miedyja» i zahruzili ich u vobłaka, kab možna było prahladać biaśpiečna
Paśla taho, jak my paviedamili pra mahčymaść isnavańnia virusu ŭ fajłach, apublikavanych HUBAZiK, my pierapravieryli ich z dapamohaj roznych instrumientaŭ. Taksama na zapyt čytačoŭ zakinuli bazu ŭ vobłaka dziela taho, kab jaje možna było prahladać biaśpiečna.
My niekalki razoŭ niekalkimi servisami praanalizavali fajły, apublikavanyja HUBAZiK, i nie zaŭvažyli tam virusnaj aktyŭnaści. Prynamsi, u virtualnaj mašynie fajły pavodziać siabie narmalna — nie zahružajuć dadatkovaha prahramnaha zabieśpiačeńnia, nie źviazvajucca z padazronymi IP-adrasami i nie stvarajuć fajłaŭ, jakija b vyhladali padazrona.
Sprava ŭ tym, što antyvirusnyja prahramy sprabujuć analizavać toje, jak pavodzić siabie fajł. Časta heta pryvodzić da psieŭdastanoŭčych vynikaŭ — to-bok, antyvirus miarkuje, što fajł vyhladaje padazrona, i raić jaho nie adkryvać, choć tam moža i nie być ničoha škodnasnaha.
Padčas pravierki ŭ Virustotal antyvirus ad adnaho pastaŭščyka, kitajskaj kampanii Kingsoft, paličyŭ tablicy padazronymi. My napisali im i paprasili pierapravieryć vynik uručnuju.
Vyhladaje, što pieršasnaja meta publikacyi hetych śpisaŭ — zapałochvańnie aktyŭnych biełarusaŭ, a nie zaražeńnie ich kampjutaraŭ.
U lubym vypadku nie varta adkryvać fajły z krynicaŭ, jakim vy nie daviarajecie. A kali daviarajecie — nie lanujciesia praviarać fajły na škodnasnyja prahramy, naprykład, praz Virustotal.
Na zapyt našych čytačoŭ my skanviertavali bazy tych, chto kamientavaŭ niešta ŭ našym instahramie (tut) i łajkaŭ publikacyi (tut). Adkryvać ich praz Cryptpad (ci praz huhł-dysk) biaśpiečniej — tam nielha zapuścić škodnasnuju prahramu.
«Naša Niva» — bastyjon biełaruščyny
PADTRYMAĆSiłaviki vykłali «bazy padpisantaŭ niezaležnych miedyja». Razabralisia, što heta, jak abaranić siabie i jak vydalić instahram-akaŭnt
HUBAZiK moh «zašyć» virus u «bazy źviestak padpisantaŭ niezaležnych miedyja». Voś jak abaranicca
Telegram i nie tolki — jak pravilna pačyścić miesiendžary, kab nie trapić pad represii. Padrabiazny hajd
Stała viadoma, što za damovu ŭčora padpisali Łukašenka z Pucinym15
Stała viadoma, što za damovu ŭčora padpisali Łukašenka z Pucinym
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi2020
Kamientary