«Zroblena ŭ Biełarusi». Na Wildberries źjaviŭsia raździeł z da bolu znajomaj nazvaj
Usio dla zručnaści pakupnikoŭ, jakija chočuć nabyć «jakasnyja biełaruskija tavary».
Pra heta paviedamlaje vydańnie «Biełarusy i rynak».
Ciapier dla taho, kab znajści, zakazać i kupić tavar biełaruskaj vytvorčaści na rasijskaj handlovaj internet-placoŭcy Wildberries, nie treba doŭha i nudna vyvučać infarmacyju ab charaktarystykach pradstaŭlenaj pradukcyi.
U adnym z samych bujnych rasijskich markietpłejsaŭ Wildberries pradstaŭlena novaŭviadzieńnie. Dla zručnaści pakupnikoŭ byŭ uviedzieny novy raździeł, jaki maje ŭ jakaści nazvy daŭno viadomy na prastorach našaj krainy słohan «Zroblena ŭ Biełarusi».
U hetym raździele buduć pradstaŭleny vyklučna tavary, jakija vyrablajucca firmami i kampanijami na terytoryi Respubliki Biełaruś.
Jak zajavili pradstaŭniki rasiejskaha markietpłejsu Wildberries, ciapier usie pakupniki hetaj internet-placoŭcy zmohuć nabyć jakasnyja biełaruskija tavary «pa źnižanych koštach i biez udziełu pasiarednikaŭ», paviedamlaje 024.by.
Taksama paviedamlajecca, što ŭsie vytvorcy Respubliki Biełaruś, jakija prapanujuć svaju pradukcyju na Wildberries, majuć siertyfikaty Biełaruskaj handlova-pramysłovaj pałaty i ich tavary adpaviednym čynam pramarkiravany.
Novy raździeł «Zroblena ŭ Biełarusi» dastupny kožnamu pakupniku jak na aficyjnym sajcie markietpłejsa, tak i ŭ mabilnym dadatku Wildberries.
Nahadajem, na terytoryi našaj krainy kala adnoj tysiačy punktaŭ vydačy Wildberries. Praŭda, kolki mienavita biełaruskich vytvorcaŭ pradstaŭlajuć svaju pradukcyju na rasijskim markietpłejsie Wildberries, u kampanii nie adkazali. Adnak kolkaść tavaraŭ, jakija adkryvajucca pry vybary padziełu «Zroblena ŭ Biełarusi», pieravyšaje 21 tysiaču.
«Ja taja jašče pamidorka». Što Ihar Tur piša ŭ telehram-čatach sa svajho asnoŭnaha akaŭnta11
Kamientary