«Idealna dla pasutkavaha biznesu», — apisvajuć u abjavie dvuchpakajoŭku, što pradajecca ŭ abłasnym centry.
Dvuchpakajoŭka mieścicca pa adrasie Mastavaja, 29. Heta adziny žyły dom u Hrodnie, z voknaŭ jakoha bačny adrazu Savieckaja płošča i Farny kaścioł.
Ahulnaja płošča kvatery — 43 m². Płošča haścioŭni — 19 m², spalnaha pakoja — 11,4 m², a voś kuchańka zusim maleńkaja — usiaho 5,5 «kvadrata».
Dom 1960 hoda pabudovy, kapramont u im byŭ zrobleny ŭ 2016-m. Vid na centralnuju płošču adkryvajecca z akna kuchni i haścioŭni. Z apošniaj jość vychad na bałkon. Usiaho ŭ horadzie 21 bałkon, ź vidam na Farny kaścioł.
Vokny spalnaha pakoja vychodziać u dvor. Sanvuzieł sumiesny.
«Kvatera raźmieščana ŭ piešachodnaj turystyčnaj zonie, vakoł šmat restaranaŭ. U krokavaj dastupnaści ŭsie słavutaści horada. Idealna dla pasutkavaha biznesu», — havorycca ŭ apisańni da abjekta.
Prosiać za hetuju dvuchpakajoŭku 65 tysiač dalaraŭ, što kala $1520 za mietr. Siaredni košt «kvadrata» ŭ Hrodnie składaje $812.
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni10
Kamientary