U nas znoŭ staić vybar pamiž Ukrainaj jak niezaležnaj samastojnaj dziaržavaj i viartańniem u ciomnaje minułaje,– zajaviła kandydat u prezidenty na schodzie ŭ Lvovie.
Premjer-ministr Ukrainy Julija Cimašenka zajaviła, što chacieła b być udzielnikam farmacyj Siečavych stralcoŭ, jakija viali bai z balšavickimi i polskimi vojskami ŭ 1918-1919 hh., baroniačy Ukrainskuju Narodnuju Respubliku.
Pra heta Julija Cimašenka zajaviła padčas uračystaha schodu z nahody Dnia sabornaści Ukrainy ŭ Lvovie.
«Ja prašu vas dapamahčy mnie nie prajhrać mienavita hety hałoŭny važny boj mienavita hetych prezidenckich vybaraŭ. Ja nikoli nie padviadu ni vas, ni Ukrainu, ni našu budučyniu, jakuju my bačym adnolkava», – skazała jana.
Cimašenka zajaviła, što hetyja vybary źjaŭlajucca vyrašalnymi dla Ukrainy:
«U nas znoŭ staić vybar pamiž Ukrainaj jak niezaležnaj samastojnaj dziaržavaj i jak alternatyva hetamu – viartańnie ŭ ciomnaje hłuchoje minułaje, jakoje niesumiaščalna z narmalnym raźvićciom krainy».
Jana skazała, što z momantu jaje prychodu ŭ palityku jana słužyć Ukrainie «ŭsim sercam i ŭsimi siłami».
Kali ja ŭpieršyniu pryjechała ŭ Lvoŭ bolš za 10 hadoŭ tamu, ja skazała:«Kali b ja žyła ŭ 1918-1919 hadach, ja abaviazkova była b siarod siečavych stralcoŭ, bo tam była sapraŭdnaja baraćba za svabodu i słavu Ukrainy».
Cimašenka dadała, što vystupaje za zachavańnie statusu ŭkrainskaha movy jak adzinaj dziaržaŭnaj.
«Dla mianie źjaŭlajecca śviatoj ukrainskaja mova», – skazała jana.
Taksama Cimašenka zajaviła ŭ piatnicu, što va Ukrainie
nie mohuć znachodzicca vojski zamiežnych dziaržaŭ.
Nahadajem, što ŭ druhim tury prezidenckich vybaraŭ va Ukrainie, što projdzie 7 lutaha, Julii Cimašency budzie supraćstajać Viktar Janukovič, jaki ŭ pieršym tury nabraŭ na 10% hałasoŭ bolš.
Dvajniki viadomych biełarusaŭ. I nie kažycie, što nie zadumvalisia pra ich padabienstva11
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary