Na 98-m hodzie žyćcia ŭ Tel-Avivie pamior Aŭrom (Aŭraham) Suckievier, uraženiec Smarhoni, adzin z vybitnych paetaŭ druhoj pałovy XX st. Suckievier pisaŭ na idyšy, movie, jakoj jon trymaŭsia ŭsio žyćcio.
Naradziŭsia Suckievier u Smarhoni ŭ 1913 hodzie, adkul praz 2 hady jaho i jaho siamju departavali ŭ Sibir (pa Smarhoni prachodziła demarkacyjnaja zona pamiž Niamieččynaj i Rasijaj). U 1920 hodzie viarnuŭsia ŭ Vilniu, dzie pačaŭ pisać vieršy na starahabrejskaj movie, iŭrycie, ale chutka pierajšoŭ na bolš zvykły dla tych časoŭ idyš.
Trapiŭ u Vilenskaje hieta, dzie zrabiŭsia siabram bajavoj arhanizacyi, a ŭ konadzień likvidacyi hieta syšoŭ da partyzanaŭ i vajavaŭ u Naračanskich lasach. U savieckich partyzanach napisaŭ paemu «Usie klatvy», jakaja zrabiła nahetulki mocnaje ŭražańnie na siabraŭ Antyfašysckaha habrejskaha kamitetu, što pa paeta z Maskvy pasłali śpiecrejsam samalot. U Maskvie Suckievier pasiabravaŭ z Erenburham i Pasternakam.
Paśla vajny Suckievier vystupiŭ śviedkam na Niurnbierhskam pracesie, a ŭ 1948 Suckievier, addany kamunist, praź niazhodu z savieckim uradam pa habrejskim pytańni, pry dapamozie Hołdy Meir, pierajechaŭ u Izrail.
U Izraili zasnavaŭ časopis «Dy Hołdene kiejt» («Załaty łancuh»), jaki byŭ prytułkam dla pareštak suśvietnaj idyšskaj kultury i litaratury, i da 1998 hoda byŭ jaho niezastupnym redaktaram. Pisaŭ vieršy zbolšaha pra Hałakost, vydaŭ knihu ŭspaminaŭ «Ź vilenskaha hieta».
-
Alona Łanskaja raskazała, jak stvaryła klip z dapamohaj štučnaha intelektu
-
Adnaho nazyvali biełaruskim Šalapinym, a druhoha — załatym hołasam Biełarusi. Ale žyćci abodvuch artystaŭ trahična abarvalisia
-
U Žyrovicach staviać novyja pazałočanyja ikanastasy ŭ ruskim styli. Baročny ikanastas carkoŭniki śpisali ŭ muziej
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary