Ukrainskamu muzyku, jaki raiŭ palakam ustupić u Rasijskuju impieryju, zabaranili ŭjezd u Jeŭrasajuz na 10 hadoŭ

U listapadzie 2023 hoda salist ukrainskaha hurta «Pošłaja Moli» Kirył Bledny pierad hastrolami pa Polščy zapisaŭ niekalki skandalnych storyz pra polskuju movu.

Muzyka skazaŭ, što polskaja mova jaho pryvodzić u šalenstva, i jon nie razumieje, čamu palaki nie mohuć razmaŭlać na ruskaj.

«Nie razumieju, navošta havaryć na hetaj u***nskaj movie, kali jość ruskaja mova, ja nie razumieju, realna. Čuvaki, prosta vyvučycie b***** ruskuju i havarycie na narmalnaj n***j movie. Jość ža Rasijskaja impieryja, prosta ŭstupicie ŭ jaje, b*****. Ustupicie ŭ jaje, jak raniej, i havarycie na narmalnaj b***** movie, d*****by», — zajaviŭ tady Bledny.

Internet zaburliŭ, paśla čaho muzyka nazvaŭ usio heta žartam. Ale takoje tłumačeńnie jamu nie dapamahło: kancerty «Pošłaj Moli» ŭ Hdańsku, Varšavie, Krakavie, Poznani i Urocłavie admianili.

Jak vyjaviłasia, heta byli nie ŭsie nastupstvy dla ŭkrainskaha hurta. Bledny raskazaŭ vydańniu The Flow, što jamu paśla hetaha žartu zabaranili ŭjezd u Jeŭrasajuz na 10 hadoŭ.

«Heta p**dziec, ja viedaju. Taki, što až śmiešna. Na nastupny dzień paśla hetaha skandału my prosta sieli ŭ tačku i pajechali ŭ Vienu, kab nie vylatać praz Polšču. Ź Vieny ŭžo palacieŭ u Tbilisi. Kali ŭsia hetaja situacyja ŭlahłasia troški, kali mnie pierastali palaki navalvać u asabistyja, ja zrazumieŭ, što ŭžo ničoha strašnaha nie budzie.

Ja pajechaŭ u Vilniu pisać albom, i na miažy ź Vilniaj mianie zatrymali. Ja tam prasiadzieŭ niekalki hadzin, potym pryjšła žančyna i skazała: «Vam zakryty ŭjezd na try hady». Kali my pasprabavali padać apielacyju, nam pryjšła papierka, što zabarona ŭžo padoŭžanaja da 10 hadoŭ. Ja ŭžo daŭno chacieŭ raskazać pra heta», — raskazaŭ Bledny.

Ciapier jon žyvie ŭ Tbilisi, a taksama jeździć u Łondan: ź jahonych słoŭ, Vialikabrytanii «pofih na hetuju situacyju i na Jeŭrasajuz naohuł».

Kirył Bledny naradziŭsia ŭ Charkaŭskaj vobłaści, u 2016 hodzie jon stvaryŭ hrupu «Pošłaja Moli», jakaja stała paśpiachovaj u Rasii. Pry hetym u 2018-m kalektyŭ admoviŭsia vystupać na fiestyvali «Našiestvije» praz toje, što jaho spansavała rasijskaje Minabarony.

Paśla pačatku poŭnamaštabnaj vajny «Pošłaja Moli» źjechała z Rasii, hurt daŭ u Jeŭropie niekalki dabračynnych kancertaŭ u padtrymku Ukrainy i asudžaŭ rasijskuju ahresiju.

Ale ŭžo ŭ červieni 2022 hoda Bledny vypuściŭ sumiesny trek z rasijskim repieram Maładym Płatonam. Paśla hetaha lidara «Pošłaj Moli» abvinavacili ŭ tym, što jon «pieraabuŭsia», bo zhadany repier na toj čas nijak nie vykazvaŭ svajoj pazicyi z nahody vajny. Z tych časoŭ «Pošłaja Moli» nie vystupała ni ŭ Rasii, ni va Ukrainie.

U Biełaruś «Pošłaja Moli» pryjazdžała jašče ŭ 2021-m, i tady na kancercie skandavali «Žyvie Biełaruś!»

• 5
• 0
• 11
• 7
• 0
• 0
• 3
• 0