Na poŭdni Hiermanii ŭ kancy krasavika pačali adkryvacca harnałyžnyja kurorty
Na samaj vysokaj hary Hiermanii lažyć śnieh vyšynioj da troch mietraŭ.
Na praciahu apošnich čatyroch tydniaŭ u Hiermanii stajała viasnovaje nadvorje, ale ŭ kancy krasavika poŭdzień krainy zavaliła śnieham. Niekatoryja harnałyžnyja kurorty na hetym fonie niečakana zajavili ab adnaŭleńni pracy, piša Bild.
Tak, padjomniki znoŭ zapracavali dla amataraŭ hornych łyž i snoŭborda ŭ horadzie Kandel (ziamla Baden-Viurtembierh). Kali śnieh zachavajecca, na što možna raźličvać, zychodziačy z prahnozu nadvorja, to padjomnik budzie pracavać navat u vychodnyja ź dziaviataj ranicy da piataj viečara.
Na samaj vysokaj hary Hiermanii — Cuhšpicie — lažyć śnieh vyšynioj da troch mietraŭ. 16 z 20 kiłamietraŭ tras zaraz adkryty dla turystaŭ, pracujuć usie dziesiać padjomnikaŭ.
Na hary Niebielchorn niedaloka ad Obierstdorfa vypała 234 santymietry śnieha, tam taksama skłalisia spryjalnyja ŭmovy dla katańnia.
«Budzie cikava ŭbačyć, kolki śniehu vypadzie da niadzieli. Da niadzieli ŭ Alpach moža vypaści ad 30 da 40 sm novaha śniehu», — ličyć mietearołah Karsten Brant z kampanii Donnerwetter.
Siłaviki ŭzialisia za karystalnikaŭ tvitara — dziasiatki akaŭntaŭ zvyčajnych biełarusaŭ stali «ekstremisckimi»9
Kamientary