Hramadstva44

Na aŭkcyjon vystavili nieruchomaść kiraŭnictva «Viasny»

Praz elektronny aŭkcyjon «BiełJurZabieśpiačeńnie» pradajuć nieruchomaść, jakaja naležyć dvum palitviaźniam, pradstaŭnikam Pravaabarončaha centra «Viasna» Valancinu Stefanoviču i Uładzimiru Łabkoviču.

Kvatera, jakaja naležyć Uładzimiru Łabkoviču. Fota: e-auction.by

Jak zaŭvažyła «Lusterka», na tarhi vystavili dvuchpakajovuju kvateru, raźmieščanuju ŭ domie № 43 pa vulicy Tuchačeŭskaha ŭ Zavodskim rajonie Minska, ahulnaj płoščaj 43,9 kv. m. Nieruchomaść aryštavanaja pa rašeńni śledstva.

Heta kvatera naležyć jurystu pravaabarončaha centra «Viasna» i kaardynataru kampanii «Pravaabaroncy za svabodnyja vybary» Uładzimiru Łabkoviču. Pačatkovy košt nieruchomaści — 134 000 rubloŭ. Kali znojducca achvotnyja jaje nabyć, to tarhi projduć 23 krasavika.

Kvatera, jakaja naležyć Uładzimiru Łabkoviču. Fota: e-auction.by

Uładzimir Łabkovič byŭ zatrymany 14 lipienia 2021 hoda, jaho asudzili da 7 hadoŭ pazbaŭleńnia voli ŭ kałonii va ŭmovach uzmocnienaha režymu.

Taksama na aŭkcyjonie majuć namier pradać 1/7 doli administracyjnaha pamiaškańnia ŭ Minsku, na vulicy Łožynskaj, 16. Ahulnaja płošča pamiaškańnia — 92,1 kv. m, pačatkovy košt majomaści — 33 300 rubloŭ. Tarhi taksama pryznačanyja na 23 krasavika.

Hetaja płošča ličycca majomaściu namieśnika staršyni «Viasny», vice-prezidenta Mižnarodnaj fiederacyi za pravy čałavieka (FIDH) Valancina Stefanoviča. Jaho zatrymali 14 lipienia 2021 hoda i asudzili da 9 hadoŭ pazbaŭleńnia voli ŭ kałonii va ŭmovach uzmocnienaha režymu.

Akramia Stefanoviča, pamiaškańnie na vulicy Łožynskaj naležyć jašče šaści siabram pravaabarončaj arhanizacyi. Raniej jano vykarystoŭvałasia dla praviadzieńnia biaspłatnych iventaŭ — lekcyj, dyskusij, vystaŭ.

Administracyjnaje pamiaškańnie, 1/7 jakoha naležyć Valancinu Stefanoviču. Fota: e-auction.by

Kamientary4

  • chtości
    16.04.2024
    [Red. vydalena]
  • Irpp
    16.04.2024
    Vyhladaje jak maradzierstva.
  • chtości
    16.04.2024
    Red., nazyvać pahrabavanaje skradzienym zabaroniena? Ci pierakupščykaŭ kradzienaha papiaredžvać pra nastupstvy?

Zamach na Donalda Trampa: u jaho stralali ŭ čas vystupu ŭ Piensilvanii

Zamach na Donalda Trampa: u jaho stralali ŭ čas vystupu ŭ Piensilvanii

Usie naviny →
Usie naviny

U Salihorskim rajonie znajšli vusienia vielmi redkaha matylka. Čamu my tak redka jaho bačym?3

Što adbyvajecca na miažy z Polščaj pierad vychodnymi

«Zamoŭ vielmi šmat». Polski restaran arhanizavaŭ dastaŭku picy prosta ŭ čarhu na miažy ź Biełaruśsiu1

Połk Kalinoŭskaha abvierh paviedamleńnie Minabarony Biełarusi ab hibieli Jana Rudzika3

U Ispanii dakazali hipotezu 54-hadovaj daŭniny viadomaha matematyka rodam z Kobryna

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ4

Čamu ŭ haračyja dni časta balić hałava i jak ad taho ŭbierahčysia

U miastečku Haradok na Biełastoččynie siońnia pačaŭsia fiestyval Tutaka

Milicyja stralała ŭ dvary minskaha šmatpaviarchovika. Što zdaryłasia?

bolš čytanych navin
bolš łajkanych navin

Zamach na Donalda Trampa: u jaho stralali ŭ čas vystupu ŭ Piensilvanii

Zamach na Donalda Trampa: u jaho stralali ŭ čas vystupu ŭ Piensilvanii

Hałoŭnaje
Usie naviny →