Śviet3030

Iran pačaŭ ataku na Izrail

Dziasiatki iranskich dronaŭ vylecieli ŭ kirunku Izraila, paviedamlaje Axios. Jany majuć dalacieć da Izraila za niekalki hadzin (pa papiaredniaj acency 6-9 hadzin).

Aficyjny pradstaŭnik CACHAŁ Daniel Chahary paćvierdziŭ infarmacyju pra iranskija drony. Iran aficyjna abviaściŭ ab pačatku pavietranaj ataki pa celach na terytoryi Izraila. Heta ličać adkazam na zabojstva vysokapastaŭlenych aficeraŭ Korpusa vartavych Isłamskaj revalucyi ŭ vyniku izrailskaj ataki na konsulstva Irana ŭ Damasku 1 krasavika.

Paviedamlajecca, što «Bort Sudnaha dnia» — samalot, prystasavany dla kiravańnia armijaj Izraila — taksama padniaŭsia ŭ pavietra.

Niezadoŭha da hetaha premjer Izraila Bińjamin Nietańjachu zapisaŭ terminovy zvarot da hramadzian: Izrail hatovy da pramoha napadu z boku Irana i adkaža na hetuju ataku. 

Skryn videazvarotu Nietańjachu

«Hramadzianie Izraila! U apošnija hady, a tym bolš u apošnija tydni, Izrail rychtujecca da mahčymaści pramoha napadu z boku Irana.

Našy sistemy abarony razhornutyja, my hatovyja da luboha scenaru, jak u abaronie, tak i ŭ napadzie. Dziaržava Izrail mocnaja, Armija abarony Izraila mocnaja, hramadskaść mocnaja.

My cenim padtrymku ZŠA, a taksama padtrymku Vialikabrytanii, Francyi i mnohich inšych krain.

Ja vyznačyŭ vyrazny pryncyp — chto nam pryčyniaje bol, tamu my pryčyniajem bol. My abaronim siabie ad luboj pahrozy i zrobim heta strymana i rašuča».

Dva samaloty El Al, jakija vylecieli z Tajłanda ŭ Tel-Aviŭ, raźviarnulisia, i viartajucca ŭ azijackuju krainu.

Iranskija ŚMI śćviardžajuć, što chakierskaj kibieratakaj adklučanaja izrailskaja sistema supraćrakietnaj abarony «Žalezny kupał».

Tel-Aviŭ pakul nie prakamientavaŭ hetaj infarmacyi — jakaja moža być i dezynfarmacyjaj.

Čakajecca, što ŭ momant padlotu da Izraila iranskich dronaŭ, pačniecca taksama ataka Irana balistyčnymi i kryłatymi rakietami. U svaju čarhu, jana moža vyklikać udar Izraila pa Iranie ŭ adkaz, u tym liku pa jadziernych abjektach piersidskaj dziaržavy.

Pres-sakratar armii Izraila zajaviŭ, što sireny pavietranaj tryvohi spracujuć u momant padlotu dronaŭ.

Izrailskija ŚMI paviedamlajuć, što amierykancy pabačyli start dronaŭ pieršymi i adrazu papiaredzili svaich izrailskich sajuźnikaŭ.

Uśled za dronami Iran zapuściŭ pa Izrailu kryłatyja rakiety. Jak paviedamlaje Ynet, rakiety mohuć dasiahnuć terytoryi Izraila na praciahu prykładna dźviuch hadzin. 12-y kanał izrailskaha telebačańnia paviedamlaje, što drony buduć źbivać užo nad Iardanijaj i Siryjaj, na dalokich podstupach da Izraila, z dapamohaj sajuźnikaŭ.

Paśla zapusku treciaj chvali dronaŭ užo bolš za 100 abjektaŭ kirujucca da Izraila, paviedamlajuć izrailskija ŚMI.

Vajenny kabiniet Izraila sabraŭsia na vajskovaj bazie Kiryjat kala Tel-Aviva, paviedamlajuć izrailskija ŚMI. Pobač z premjeram Bińjaminam Nietańjachu siadziać asnoŭnyja ministry i kiraŭniki armii.

Fota: timesofisrael.com

Premjer-ministr Vialikabrytanii Ryšy Sunak nazvaŭ napad Irana na Izrail biazdumnym. Jon padkreśliŭ, što Vialikabrytanija praciahnie adstojvać biaśpieku Izraila i svaich rehijanalnych partnioraŭ.

IRNA paviedamlaje, što Iran zapuściŭ pieršuju chvalu balistyčnych rakiet u bok Izraila.

Kamientary30

  • rom
    13.04.2024
    tolko piervyj  Izrail atakovał ranieje iranskich hienierałov
    nu połučat čto zasłužili naviernoje
    ps,,,ievriei mohut pieriesielaťsia na novyje rośsijskije tierritorii)))) dobro požałovať))
  • Treba zniščyć
    13.04.2024
    Makaki zadziejničanyja pucinym.
  • Radyjohladač
    13.04.2024
    "Ja vyznačyŭ vyrazny pryncyp — chto nam pryčyniaje bol, tamu my pryčyniajem bol."
    Zatoje biedarusy chutka zabylisia, jak izrailciancy pieršymi nakiravali ambasadara da Łukašenki ŭ 2020 hodzie. Dzieržyś Izrael! My s taboj!

Bajden vychodzić z prezidenckaj honki35

Bajden vychodzić z prezidenckaj honki

Usie naviny →
Usie naviny

Źjaviłasia FOTA z suda nad Ryka Kryhieram

Zamiest SMS — vyćcio siren. MNS choča pamianiać sistemu apaviaščeńnia padčas niepahadzi2

Ołaf Šolc dahetul hladzić lampavy televizar6

Słavakija i Vienhryja spyniajuć pampavać naftu praz trubapravod «Družba». Heta važna i dla Biełarusi

USU nanieśli ŭdar pa vajskovym aeradromie ŭ Rastoŭskaj vobłaści1

Niemiec, prysudžany da rasstrełu, datyčny da dyviersij? Voś što za historyja heta mahła być9

U ZŠA vyzvalili žančynu, jakaja adsiadzieła 43 hady ni za što2

Paśla ŭrahanu biełarusy padali bolš za 10 tysiač zajavak u Biełdziaržstrach1

Pad Minskam busieł kupaŭsia ŭ voziery razam ź ludźmi VIDEA5

bolš čytanych navin
bolš łajkanych navin

Bajden vychodzić z prezidenckaj honki35

Bajden vychodzić z prezidenckaj honki

Hałoŭnaje
Usie naviny →