Prakacicca na adnym samakacie ŭdvaich bolš nie atrymajecca — papularny ŭ Biełarusi šerynh zapuściŭ sistemu Antytandem
Častych parušalnikaŭ buduć błakavać.
Šerynh elektrasamakataŭ Whoosh, jaki pracuje ŭ Biełarusi, zapuściŭ sistemu Antytandem. Ź jaje dapamohaj źbirajucca zmahacca z praktykaj, kali ludzi katajucca ŭdvaich na adnym samakacie.
Takija pavodziny zabaroniena praviłami šerynhu — heta moža być niebiaśpiečna dla navakolnych, a taksama viadzie da pałomak samakataŭ. Ciapier šerynh ukaraniŭ śpiecyjalnuju intelektualnuju sistemu.
Prahrama sama budzie vyznačać, kolki čałaviek jedzie na samakacie. Technałohija prosta padčas pajezdki analizuje bolš za 50 paramietraŭ, zasnavanych na danych ad kožnaha elektrasamakata. Z momantu zapusku technałohija budzie daabučacca, źbirajučy danyja va ŭmovach roznaha darožnaha pakryćcia, klimatu i inšych haradskich asablivaściaŭ kožnaha rehijonu.
U šerynhu spadziajucca, što zmohuć źvieści da nula praktyku vykarystańnia adnaho samakata na dvaich. U pierśpiektyvie samakat aŭtamatyčna budzie źnižać chutkaść da minimumu, kali Antytandem zaŭvažyć dvuch karystalnikaŭ. Paviedamleńnie ab błakavańni pryjdzie ŭ dadatku.
U kampanii kažuć, što banić karystalnikaŭ buduć tolki ŭ vypadku paŭtareńnia parušeńnia. Pieršaja statystyka pakazvaje, što bolšaść karystalnikaŭ vykonvajuć praviły. Adnak vyklučeńni sustrakajucca.
KDB vypadkova vydaŭ dvuch supracoŭnikaŭ, adkaznych za stvareńnie śpisa «terarystaŭ»22
Kamientary