Minabarony RF vystupiła z zajavaju: nad Čornym moram la zachodniaha ŭźbiarežža Kryma paciarpieŭ krušeńnie rasijski viertalot Mi-24. Raniej USU paviedamlała pra padzieńnie Ka-27.
![](http://d3kcf2pe5t7rrb.cloudfront.net/img/w840d4webp1/photos/z_2024_04/-n4rg2.jpg.webp)
Incydent adbyŭsia 10 krasavika kala šaści ranicy pa maskoŭskim časie, kali viertalot rabiŭ płanavy palot. Pa papiarednich danych Minabarony, pryčynaj krušeńnia stała admova techniki.
Pra los piłotaŭ nie paviedamlajecca.
Niezadoŭha da paviedamleńnia Minabarony RF u VMS Ukrainy zrabili spravazdaču ab źbitym nad Krymam rasijskim viertalocie Ka-27. Paźniej ukrainski bok udakładniŭ, što viertalot uzarvaŭsia ŭ pavietry, a pryčyny hetaha nieviadomyja.
U toj ža čas u rasijskich Z-pablikach śćviardžajuć, što adna ź vierahodnych viersij krušeńnia viertalota Mi-24 — praca ŭłasnaj SPA, a ekipaž zahinuŭ.
Kamientary