Ciełaachoŭnik Łukašenki ŭznačaliŭ pryvatnuju achoŭnuju kampaniju «Hardservis»
Adzinuju ŭ Biełarusi pryvatnuju achoŭnuju kampaniju «Hardservis» sa śpiecdazvołam na abychodžańnie sa zbrojaj uznačaliŭ supracoŭnik słužby biaśpieki Łukašenki — Juryj Alšeŭski. Dziakujučy «Kibierpartyzanam» prajekt «Biuro» daviedaŭsia, što jon kala 20 hadoŭ pracuje ciełaachoŭnikam Alaksandra Łukašenki.
U tym liku supravadžaŭ jaho ŭ zamiežnych kamandziroŭkach — u 2017 hodzie ŭ Indyju, u 2018 hodzie ŭ Kitaj, a ŭ 2019-m u Turkmienistan.
Žonku Juryja Alšeŭskaha taksama niadaŭna vyznačyli. Jaje zavuć Śviatłana Sakałoŭskaja i jana była pryznačanaja deputatkaj u Pałatu pradstaŭnikoŭ u 2024 hodzie. Taksama jana zajmaje pasadu pieršaj namieśnicy staršyni KDK Minskaj vobłaści.
Kampanija «Hardservis» adzinaja ŭ Biełarusi pryvatnaja achoŭnaja arhanizacyja, jakaja maje śpiecyjalny dazvoł na nabyćcio, zachoŭvańnie i pieradaču svaim supracoŭnikam cyvilnaj i słužbovaj zbroi. Hety dazvoł kampanija atrymała dziakujučy asobnamu ŭkazu Alaksandra Łukašenki ŭ červieni 2020 hoda.
U listapadzie 2023 hoda «Biełpoł» apublikavaŭ rasśledavańnie pra toje, što «Hardservis» maje ceły arsienał zbroi i pry hetym achoŭvaje tolki dvuch čałaviek — Viktara Šejmana i nabližanaha da biełaruskich uładaŭ biznesoŭca Alaksieja Aleksina. A hrošy zarablaje praz sumnieŭnyja schiemy pa pieraprodažy nieruchomaści, jakuju kampanija biazvypłatna atrymała ad dziaržavy.
Prasłuchoŭka i «chabar» ad KDB. Stała viadoma, jak sudzili eks-kiraŭnika achovy Łukašenki
«HardServis» nie vialiki biznes, a faktyčna biznes-karlik — vytrymka z aŭdytu
Novaje rasśledavańnie «Biełpoła» raskryvaje tajamnicy «HardServisa», zarobki jaho rabotnikaŭ i atrymańnie 5,5 miljona dalaraŭ z pavietra minskaj Ściapianki
Dačka dyrektara «Linii Stalina» i ŭnučka zasnavalnika «Hardservisa» pierajechała ŭ Polšču. A voś na čym zarablaje ich siamja
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary4
Kamientary
ochraniaťtianuť etu lamku.