Tajamnica «ludziej u sinim» na kancercie ŭ «Krokusie» kančatkova vyśvietliłasia. Heta dakładna nie feesbešniki
OSINT-daśledčyki ŭviečary 26 sakavika praviali ŭłasnaje rasśledavańnie hetaj spravy i pierakanaŭča raźviančali kanśpirałahičnuju viersiju pra «ludziej u sinim». Jany pakazali inšyja fatahrafii ŭdzielnikaŭ tajamničaj hrupy i daviedalisia niekatoryja detali ich bijahrafii. U vyjaŭleńni hetych ludziej OSINT-daśledčykam dapamahli prahramy raspaznańnia asob, piša «Mieduza». Zaadno vydańnie samo rasśledavała, adkul u hetaj viersii rastuć nohi.
Na druhi dzień paśla teraktu ŭ «Krokus Sici Chole» ŭ sacyjalnych sietkach zavirusiłasia videa z tyktoka polskaha žurnalista Marcina Roli. Jon nie byŭ aŭtaram viersii ab arhanizacyi ataki rasijskimi ŭładami, a prosta vykłaŭ u svaim akaŭncie rolik, źniaty adnym z naviedvalnikaŭ kancertu «Piknika» ŭ momant, kali terarysty ŭvarvalisia ŭ hladackuju zału i adkryli stralaninu pa ludziach. Rola supravadziŭ heta takim kamientarom: «Terminova! Terakt u Rasii?! Vialikaja kolkaść zabitych i paranienych!»
Karystalniki tvitara razhledzieli adkaz na pytańnie polskaha žurnalista prosta na vykładzienych im kadrach. Nibyta hrupa ź minimum čatyroch mužčyn, apranutych u sinija džynsy i sinija kofty roznaha kroju i adcieńniaŭ, za niekalki siekund da taho, jak terarysty ŭvarvalisia ŭ zału, pačała vykrykvać zakliki začynić dźviery. Hetych detalaŭ chapiła dla naradžeńnia i raskrutki viersii pra tajnuju hrupu supracoŭnikaŭ śpiecsłužbaŭ, jakija kaardynavali terakt.
Chto byŭ pieršakrynicaj teoryi, skazać ciažka, ale voś jaje vyčarpalnaje vykładańnie u adnym ź pieršych tvitaŭ, jakija šyroka raźlacielisia:
Kuratory iz putinskich śpiecsłužb imievšije otličitielnuju osobiennosť siniaja futbołka i džinsy čietko rukovodili prociessom błokirovki ludiej dla pośledujuŝieho ubijstva. pic.twitter.com/xypnLg9CsX
Chtości navat razhladzieŭ na razmytych kadrach asoby kankretnych siłavikoŭ:
A vot vtoroj – kohda on podchvatił komandy i poviernułsia (0:55)
Už bolno lico mnie pokazałoś znakomym. Udałoś vyjaśniť na koho on pokazałsia pochož
Na Michaiła Švieca. On pričastien k otravleniju Aleksieja Navalnoho pic.twitter.com/hEEoQ1PxYg
Praź jašče niekalki hadzin viersija abrasła dadatkovymi detalami: nibyta jak minimum adzin udzielnik zakanśpiravanaj hrupy nie tolki prysutničaŭ u zale «Krokusa» ŭviečary 22 sakavika, ale i zatrymlivaŭ mierkavanych vykanaŭcaŭ teraktu ŭ branskim lesie ranicaj 23 sakavika. U hetym vypadku «arhumientami», akramia koleru kofty i džynsaŭ, stali padobnaja stryžka i hadzińnik na levaj ruce ŭ abodvuch mužčyn.
Vo vriemia tierakta v Krokusie byli FSBešniki!!!
V zvle hdie dołžien był projti konciert hruppy "Piknik", kak i na vsiech druhich mieroprijatijach byli FSBešniki. Oni dažie odiety v odinakovuju odieždu: sinij śvitier i džinsy.
Na vidieo vidno, kak sidiaŝije v zale pod vidom zritielej, očień chorošo… pic.twitter.com/GXHT3fB0bt
Narešcie, apošnim (i, badaj, adzinym pa-sapraŭdnamu padazronym) elemientam teoryi stała ekspres-rasśledavańnie biełaruskaha prajekta Nexta. Žurnalisty vydańnia znajšli fatahrafiju adnaho ź mierkavanych supracoŭnikaŭ śpiecsłužbaŭ na sajcie centra sportu, raźmieščanaha ŭ pasiołku Sosienskaje ŭ Maskvie. Pa tym ža adrasie, vyśvietlili ŭ Nexta, znachodzicca štab-kvatera Hałoŭnaha raźviedvalnaha ŭpraŭleńnia Hienštaba Uzbrojenych sił Rasii (HRU).
Akramia taho, aŭtary materyjału vykazali zdahadku, što adzin z udzielnikaŭ «siniaj» hrupy taksama byŭ pradstaŭleny jak naviedvalnik kancertu, jaki nibyta abiasškodziŭ uzbrojenaha terarysta (dokazaŭ hetamu epizodu za čatyry dni z momantu teraktu ŭłady i dziaržaŭnyja miedyja nie pradstavili).
Biezumoŭna, teoryja naradziłasia nie na pustym miescy: krytyki Kramla jašče z kanca 1990-ch padazrajuć Uładzimira Pucina i jahonaje atačeńnie ŭ datyčnaści da arhanizacyi teraktaŭ — dla zdabyćcia palityčnaj vyhady. Tady, praź niekalki dzion paśla vybuchaŭ žyłych damoŭ u Bujnaksku, Maskvie i Vałhadonsku, u padvale doma ŭ Razani byli znojdzienyja miaški z cukram, u jakich na ekśpiertyzie taksama byli vyjaŭlenyja ślady hieksahienu.
U pieršyja hadziny paśla znachodki pravaachoŭnyja orhany aktyŭna pačali rasśledavać incydent i šukać ludziej, jakija zakłali miachi, ale ŭžo na nastupny dzień na toj momant dyrektar FSB Mikałaj Patrušaŭ (ciapier — pa-raniejšamu ŭpłyvovy sakratar Rady biaśpieki RF) abviaściŭ, što ŭsio zdareńnie akazałasia tolki vučeńniami FSB dla pravierki pilnaści hramadzian. Vyraz «razanski cukar» z tych časoŭ staŭ naminalnym, im abaznačajuć «kramloŭski śled» u arhanizacyi tych ci inšych złačynstvaŭ.
Jak źviarnuli ŭvahu aŭtary rassyłki «Sihnał», u dzień teraktu ŭ «Krokusie» naviedvalnaść staronki pra vybuchi ŭ Maskvie ŭ 1999 hodzie ŭ «Vikipiedyi» vyrasła bolš čym u 200 razoŭ. Tak što viersiju pra «razanski cukar» častka hramadstva, vidavočna, čakała — i znajšła paćviardžeńnie svaim čakańniam u «ludziach u sinim».
A ciapier — sieans vykryćcia
Jon uvohule budzie vielmi karotkim. OSINT-daśledčyki ŭviečary 26 sakavika praviali ŭłasnaje rasśledavańnie i pierakanaŭča raźviančali viersiju pra «ludziej u sinim». Jany pakazali inšyja fatahrafii ŭdzielnikaŭ tajamničaj hrupy i daviedalisia niekatoryja detali ich bijahrafii. U vyjaŭleńni hetych ludziej OSINT-daśledčykam dapamahli prahramy raspaznańnia asob.
Vyjaŭleny Nexta «supracoŭnik HRU» akazaŭsia nastaŭnikam fizkultury Dźmitryjem Jarochinym, vyśvietlili redaktar «Miedyjazony» Maksim Litaŭryn i niezaležny žurnalist Andrej Zacharaŭ.
eto učitiel fizry iz Omska, okončił SibHUFK, priedpołožitielno nieskolko let nazad pieriejechał v Moskvu ili Podmoskovje. jeŝie u nieho sudimosť po miełkoj staťje, no možiet byť koniečno na śvierchsiekrietnyje opieracii FSB nanimajut fizrukov s sudimosťju. pic.twitter.com/RscWRJ8JZZ
Jašče adnaho «śpiecsłužbista» deananimizavali hałoŭny redaktar vydańnia The Insider Raman Dabrachotaŭ i daśledčyk z prajekta Bellingcat Chrysta Hrozieŭ. Pa źviestkach Dabrachotava, mužčynu zavuć Dźmitryj Družkoŭ i jon «naftavik u VNIIST».
Dorohije konśpirołohi, mnie žal vas razočarovyvať, no "FSBšnik v siniej koftie" okazałsia obyčnym nieftianikom iz VNIIST po imieni Aleksiej Družkov, kotoryj nikakoho otnošienija ni k FSB, ni k čiełovieku v maskie nie imiejet pic.twitter.com/3FhU68UtOH
Paźniej hety čałaviek daŭ karotkaje intervju TASS, u jakim taksama zapeŭniŭ, što nie maje dačynieńnia da śpiecsłužbaŭ, a zajmajecca budaŭnictvam — i kancert naviedvaŭ jak zvyčajny hladač razam sa svaim dziciem.
Litaŭryn z Zacharavym taksama źviarnuli ŭvahu na toje, što na inšym momancie ź videazapisu zatrymańnia mierkavanych terarystaŭ vidać tvar mužčyny, jakoha Nexta i mnohija karystalniki sacsietak pryniali za ŭdzielnika «siniaj hrupy». Ź jaho stanovicca vidavočna, što heta inšy čałaviek — choć by pa raślinnaści na tvary ŭ taho, chto zatrymlivaje, i jaje adsutnaści ŭ hledača kancerta (prahramy raspaznańnia asob taksama ličać, što heta inšy čałaviek).
poślednieje (ja nadiejuś) po tiemie mužikov v sinich koftach. pro toho samoho, kotoryj jakoby był v zale «krokusa», a potom — zadierživał podozrievajemych.
my so @skazal_on našli i etoho čiełovieka. eto prosto MUŽIK IZ BIEŁARUSI, kotoryj prišieł na konciert so svojej dočieŕju (sprava ot nieho) pic.twitter.com/4zBSpYusPz
Tur patłumačyŭ, što Łukašenka mieŭ na ŭvazie, kažučy pra pryznačeńnie dyrektaraŭ u pryvatnyja kampanii2
Kamientary