Navuka i technałohii11

Navukoŭcy stvaryli karoŭ, zdolnych davać małako z čałaviečym insulinam

Z dapamohaj hiennych technałohij vučonyja zmahli atrymać małako z čałaviečym insulinam. Takija vyniki abiacajuć vyrašyć prablemu z pastaŭkaj insulinu, a taksama zrabić jaho mienš zatratnym.

Jak piša New Atlas, amierykana-brazilskaja kamanda navukoŭcaŭ zajaviła ab tym, što, mahčyma, znajšła sposab likvidacyi deficytu insulinu i źnižeńnia jaho koštu z dapamohaj karoŭ.

U arhaniźmie insulin pačynaje svajo žyćcio jak praharmon (prainsulin), jaki zatym pieražyvaje pieratvareńnie ŭ svaju aktyŭnuju formu. Siońnia dyjabietyki vykarystoŭvajuć injekcyjny insulin, jaki vyrablajecca šlacham ustaŭki štučna stvoranaj formy hiena čałaviečaha insulinu ŭ DNK bakteryj. Hetyja bakteryi raźmiaščajucca ŭ vialikich bakach dla fiermientacyi. Pad uździejańniem hetaha hiena bakteryi pačynajuć vyrablać čałaviečy insulin, jaki zatym zdabyvajecca i čyścicca dla vykarystańnia ŭ jakaści lekaŭ.

U časie svajho daśledavańnia navukoŭcy ŭstavili siehmient čałaviečaj DNK, jakaja kaduje prainsulin, u kletki dziesiaci embryjonaŭ karoŭ, jakich impłantavali ŭ matki zvyčajnych žyvioł. Vučonyja adznačajuć, što źmieny zakranuli tolki małočnyja załozy karoŭ.

Tolki adzin z hienietyčna madyfikavanych embryjonaŭ pryvioŭ da ciažarnaści. U vyniku naradziłasia žyvaja transhiendarnaja ciałuška. Kali jana pastaleła, joj dali harmony, kab stymulavać pieršuju łaktacyju. Choć abjom małaka byŭ mienšy, čym zvyčajna, daśledčyki sa ździŭleńniem vyjavili, što jano ŭtrymlivaje nie tolki čałaviečy prainsulin, ale i insulin.

«Naša meta palahała ŭ tym, kab zrabić prainsulin, ačyścić jaho da insulinu i praciahnuć pracu. Ale karova ŭ asnoŭnym pierapracavała jaho sama. Jana vyrablaje prykładna ŭtraja bolš bijałahična aktyŭnaha insulinu ŭ paraŭnańni z prainsulinam», — cytuje vydańnie słovy adnaho z aŭtaraŭ daśledavańnia Meta Uilera (Matt Wheeler).

Vučonyja adznačajuć, što ŭsiaho ŭ adnym litry małaka ad takoj karovy źmiaščajecca 1 hram insulinu, abo 28818 adzinak. Pry hetym sutačnaje zapatrabavańnie čałavieka ŭ insulinie — prykładna 0,5-2 adzinki na kiłahram masy cieła.

Daśledčyki płanujuć paŭtorna kłanavać karoŭ i spadziajucca, što nastupnaje pakaleńnie budzie bolš paśpiachovymi z poŭnym cykłam łaktacyi. U płanach taksama stvareńnie transhiennych bykoŭ dla sparvańnia z karovami. Heta dazvolić atrymać transhiennych cialat, jakija možna budzie vykarystoŭvać dla stvareńnia śpiecyjalnaha statku, jaki vyrablaje insulin.

Pa słovach Uilera, navat nievialiki statak karoŭ, jakija vyrablajuć insulin, moža chutka abahnać isnujučyja mietady vytvorčaści insulinu (transhiennyja droždžy i bakteryi) i zrabić heta bieź nieabchodnaści vykarystańnia vysokatechnałahičnych srodkaŭ abo infrastruktury.

Čytajcie jašče:

Čałaviectva staić na parozie pieramohi nad atłuścieńniem. I maje navatarski srodak ad dyjabietu

Daśledčyki raspracavali padskurny impłant dla lačeńnia dyjabietu 1-ha typu

Hiennyja inžyniery stvarajuć karoŭ, jakija buduć davać u 10—20 razoŭ bolej małaka

Kamientary1

  • Cyrthufl
    21.03.2024
    Dyk a jak u tych karoŭ ź mietanam spravy ? Nabalełaja ž tema, palarnyja šapki tajuć.

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu3

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu

Usie naviny →
Usie naviny

Na BT zapuścili šou «Dobry viečar!» Hościa pieršaha vypusku — zorka rasijskaha šansona Vika Cyhanova20

Stryžak raskazaŭ, jak jaho vierbavali śpiecsłužby25

Izrail nanios udary pa Jemienie «paśla dzieviaci miesiacaŭ bieśpierapynnych napadaŭ»8

Zorka tyktoku Liza Vietrava zakryvaje svoj papularny błoh pra biełaruskuju movu18

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ63

Redaktar hłybockaj rajonki napisaŭ pra śmiećcie ŭ horadzie, a paśla zrazumieŭ, što padyhryvaje «voraham»14

«Jany kruhłasutačna stajać?» Na Niamizie ludzi vystrailisia ŭ ahramieznuju čarhu — voś navošta VIDEA20

Kijeŭ atakavaŭ niejki tajamničy dron-kamikadze. Što za jon?1

Byłaja biełaruskaja spartsmienka ŭžo druhi raz za žyćcio pamianiała spartyŭnaje hramadzianstva9

bolš čytanych navin
bolš łajkanych navin

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu3

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu

Hałoŭnaje
Usie naviny →