Što novaha navuka havoryć pra bazavyja praviły dohladu vałasoŭ?
Adnoj z asnoŭnych pracedur źjaŭlajecca rasčesvańnie. Vałasy treba rasčesvać nie tolki na praciahu dnia, ale i pierad myćciom. Kali myć zbłytanyja vałasy, jość ryzyka vyrvać zdarovyja i novyja, navat nie zaŭvažajučy hetaha. Najmienš traŭmatyčnym sposabam zjaŭlajecca rasčesvańnie ad končykaŭ da karanioŭ.
Niekatoryja ludzi zaŭvažajuć, što ŭ ich vypadajuć vałasy. Nievialikaje vypadzieńnie vałasoŭ narmalnaje — heta naturalny praces abnaŭleńnia, vyzvaleńnia miesca dla novych vałasoŭ. Ale varta źviarnucca da śpiecyjalistaŭ, kali vy zaŭvažyli značnaje «pachudańnie» šavialury.
Pryčyny takoha stanu mohuć być roznyja — ad stresu i niedachopu vitaminaŭ da harmanalnych źmien, zachvorvańniaŭ ščytapadobnaj załozy. Vyznačyć heta dapamohuć analizy. Časta vałasy mohuć vypadać z-za taho, što ŭ čałavieka jość prykmiety siebarei ci siebarejnaha dermatytu. Na hety praces taksama ŭpłyvaje spadčynnaść.
Na stan vałasoŭ drennaje ŭździejańnie akazvaje kieracinavaje vyraŭnoŭvańnie. Pracedura prachodzić z dapamohaj vielmi haračaha prasa, jaki paškodžvaje vałasy pa ŭsioj daŭžyni. Paśla jaho rekamiendujuć vykarystoŭvać biessulfatnyja šampuni, kab skład kieracinavaha vyraŭnoŭvańnia pavolniej vymyvaŭsia. Ale jany vielmi drenna myjuć skuru. U vyniku jana stanovicca prablemnaj.
Jak časta myć hałavu
Śpiecyjalisty źviartajuć uvahu na toje, što ni ŭ jakim razie nie varta sprabavać «pieravučyć» vałasy, adkładajučy myćcio. Heta ŭsio moža skončycca pachodam da trychołaha sa skarhami na śvierb i pierchać. Pieravučyć tłuščavyja załozy vypracoŭvać mienš skurnaha tłušču nie atrymajecca.
Isnuje niekalki faktaraŭ, jakija vyznačajuć najlepšuju častatu myćcia hałavy. Na niekatoryja ź ich my sami možam akazać upłyŭ i takim čynam pamienšyć ci pavialičyć pieryjadyčnaść myćcia.
Važnym aśpiektam zjaŭlajecca toj fakt, što tłustaja na samaj spravie skura hałavy, a nie našy vałasy. Mienavita typ skury hałavy adyhryvaje važnuju rolu ŭ vyznačeńni častaty myćcia.
Ludziam, jakija zmahajucca sa stałaj suchaściu, naprykład, u vyniku psaryjazu, taksama varta štodnia ŭžyvać aktyŭnyja inhredyjenty, jakija pamianšajuć zapaleńnie. Bolš častaha myćcia hałavy mohuć zapatrabavać takija prablemy sa skuraj, jak pierchać, siebareja abo siebarejny dermatyt.
Akramia hetaha, na častatu myćcia hałavy ŭpłyvaje i šerah inšych abstavin, takich jak fizičnaja aktyŭnaść, umovy pracy, navakolnaje asiarodździe (naprykład, zabrudžvańnie pavietra, jarkaje soniečnaje śviatło).
Jak myć vałasy
Mnohija trychołahi nie rajać myć vałasy «ŭniz hałavoj» i prapanoŭvajuć rabić heta, stojačy ŭ dušy. Tak praściej dabracca navat da makuški, a, značyć, ačyščeńnie budzie bolš jakasnym.
Akramia taho, zachavać vałasy zdarovymi dapamoža vykarystańnie šampuniaŭ i kandycyjanieraŭ, adaptavanych da indyvidualnych patreb skury hałavy. Šampuń varta vybirać pa typie skury hałavy. Pierad naniasieńniem šampuniu na skuru lepš uśpienić jaho ŭ dałoniach. Tak jon dziejničaje miakčej i nie razdražniaje skuru.
Šampuń nanosicca dva razy: u pieršy raz jon zabiaśpiečvaje paviarchoŭnaje ačyščeńnie. Lepš nanieści jaho na skuru hałavy, pamasiravać niekatory čas. Nie treba razmazvać šampuń pa ŭsioj daŭžyni: vałasy cudoŭna admyjucca pienaj, što ściakaje źvierchu. Taksama rekamiendujecca nie zabyvać masažavać skuru hałavy padčas myćcia, kab stymulavać krovazvarot i padtrymlivać zdarovy rost vałasoŭ.
Paśla šampuniu varta vykarystać balzam, kandycyjanier ci masku, kab adnavić zaścierahalny lipidny barjer. Usie hetyja srodki, jak i masła, nanosiacca tolki na stryžań i končyki. Usie maski lepš nanosić na čystyja, padsušanyja ručnikom vałasy. Heta dapamahaje aktyŭnym rečyvam pranikać hłybiej u strukturu vołasa i daje lepšy vynik.
Kali vy farbujecie vałasy, to abaviazkova pry myćci hałavy nieabchodna vykarystoŭvać skrab, kab vydalić sa skury hałavy farbu. Reštki farbavalnaha składu na skury mohuć spravakavać ankałahičnyja zachvorvańni.
Jak sušyć vałasy
Pieršaje, što treba zrabić, — vydalić z vałasoŭ lišniuju vilhać z dapamohaj ručnika. Z-za vilhaci moža paškodzicca stryžań vałasoŭ, bo kutykuła nabrakaje. Heta pryvodzić da padvyšanaj łomkaści i pavialičvaje ryzyku, što vałasy pačnuć siačysia. Tamu čym karaciejšy kantakt z vadoj, tym lepiej.
Nie varta enierhična raścirać vałasy. Heta paškodžvaje kutykuły, jakija raźmiakčanyja ad vady. Aptymalny sposab — miakka pryciskać ručnik da vałasoŭ, vyciskajučy ź ich vilhać. Kali ŭ vas doŭhija kosy, ich možna skrucić žhutam u ručnik i paśla hetaha adcisnuć.
Na padsušanyja ručnikom vałasy nanosiać srodki (syrovatki, alei, sprei), jakija vyrašajuć roznyja zadačy — termaachova, uvilhatnieńnie, pazbaŭleńnie ćmianaści i łomkaści ci intensiŭnaje adnaŭleńnie.
Śpiecyjalisty rekamiendujuć dla suški vykarystoŭvać fien z termaachovaj. I sušyć vałasy tolki chałodnym pavietram, kab papiaredzić ich paškodžańnie. Pry hetym strumieni pavietra varta nakiroŭvać pa roście vałasoŭ — ad karanioŭ da končykaŭ.
Pamiatajcie, što kožny čałaviek unikalny, i dohlad za vałasami moža zapatrabavać indyvidualnaha padychodu. Vykonvajcie hetyja prostyja praviły, i vašyja vałasy buduć radavać vas svajoj pryhažościu i zdaroŭjem.
Čytajcie jašče:
Jak časta treba myć hałavu i ci karysnyja kandycyjaniery i maski, tłumačyć miedyk
Ci moža čałaviectva raz i nazaŭždy vyrašyć prablemu abłysieńnia?
Novy mužčynski trend? Minski błohier zrabiŭ sabie pierasadku vałasoŭ
Jaŭhien Bury z ABBA raskazaŭ, kolki jaho biznes-asacyjacyja atrymała ad Jeŭrasajuza i na što patraciła18
Kamientary