Elehantnaje rašeńnie: niezvyčajnyja «kvatery» dla busłoŭ stvarajuć u Breście
Takaja zadumka dazvalaje nie tolki abaranić ptušak, ale taksama paźbiehnuć vypadkovych adklučeńniaŭ elektryčnaści.
Busły na słupach biełaruskich viosak i pasiołkaŭ — adzin z hałoŭnych simvałaŭ našaj krainy. Takuju «chatku» ptušak možna sustreć praktyčna ŭ kožnym nasielenym punkcie, adnak nie zaŭsiody heta byvaje biaśpiečna, piša Tochka.by.
Plus stvarajucca dadatkovyja prablemy dla enierhietykaŭ i zvyčajnych hramadzian. Śpiecyjalisty z Bresta vyrašyli vypravić situacyju, kab abaranić simvał Biełarusi i stvaryć kamfortnyja ŭmovy dla spažyŭcoŭ enierhii.
Dla hetaha inžyniery z «Brestenierha» ŭvasobili ŭ žyćcio elehantnaje rašeńnie, stvaryŭšy niezvyčajnyja »kvatery« dla busłoŭ. U nievialikim roliku ŭ tyktoku arhanizacyja pakazała praces stvareńnia novaha vidu «žylla» dla busłoŭ.
Ź mietału dla ptušak stvarajecca kamfortnaje «hniazdo», jakoje macujecca na słupy ŁEP. Takaja «chatka» raźmiaščajecca vyšej niebiaśpiečnych pravadoŭ, tamu ptuškam ničoha nie pahražaje.
Jość jašče adzin stanoŭčy momant — prostaje rašeńnie dazvalaje paźbiehnuć vypadkovych «avaryj» na linijach elektrapieradačy.
Karystalniki sietki ciopła pryniali ideju ad enierhietykaŭ, a videa chutka sabrała dziasiatki tysiač prahladaŭ.
«Ciabie b baćka praklaŭ»: maci fihuranta «małočnaj spravy» prabiłasia na spatkańnie ź im, kab ślozna paprasić nie supracoŭničać sa śledstvam3
Kamientary
Łukašenka pryznačany kramlom rabić hadaści, biełarusam, ekanomicy, pryrodzie i ptuškam.