Koler vačej upłyvaje na vašu zdolnaść čytać — vučonyja. Jak tak?
Vučonyja vyśvietlili, što ludzi z błakitnym koleram vačej zdolnyja lepš bačyć pry drennym aśviatleńni ŭ paraŭnańni z tymi, chto maje karyja vočy.
Prykładna kožny dziasiaty čałaviek va ŭsim śviecie maje błakitnyja vočy. A ŭ niekatorych rehijonach Jeŭropy błakitnavokimi źjaŭlajucca try čałavieki z čatyroch. Vučonyja daŭno zadavalisia pytańniem, čamu hety koler praciahvaje kankuravać z karym.
Antrapołahi ź Livierpulskaha ŭniviersiteta vyrašyli pravieści ekśpierymient ź dźviuma hrupami ludziej. U im uziali ŭdzieł 39 čałaviek, ź jakich 25 mieli koler radužnaj abałonki roznaha adcieńnia błakitnaha, a 14 — karaha. Udzielnikam prapanavali prajści 30-siekundnuju pravierku zroku pry intensiŭnaści śviatła, jakaja źmianšałasia.
Ekśpierymient pakazaŭ, što ludzi z błakitnymi vačyma mahli čytać kody, jakija składalisia ź piaci vypadkova zhienieravanych litar i byli źmieščanyja na ścianie na adlehłaści ŭ 3 mietry, pry značna mienšym aśviatleńni (kala 0,7 luks) u paraŭnańni z karavokimi (0,82 luks).
Jak adznačajuć vučonyja, vyniki ich ekśpierymientu paćviardžajuć teoryju ab tym, što strata pihmientacyi radužnaj abałonki była prykmietaj, abranaj pryrodaj u niekatorych papulacyjach dla palapšeńnia zroku va ŭmovach nizkaj aśvietlenaści. U toj ža čas, jak viadoma, depihmientavanaja radužnaja abałonka robić błakitnyja vočy bolš uraźlivymi da jarkaha śviatła.
Koler radužnaj abałoncy (taksama, jak skury i vałasam) nadaje miełanin. Mienavita jaho kolkaściu tłumačycca źmiena koleru vačej ad karaha da zialonaha. Da niadaŭniaha času ličyłasia, što błakitny koler ludzi atrymali ŭ vyniku mutacyi ŭ niealicie 10-6 tysiač hadoŭ tamu.
Ale novaje daśledavańnie DNK staražytnych ludziej pakazała, što hetaja mutacyja ŭźnikła na Blizkim Uschodzie kala 50 tysiač hadoŭ tamu. U Jeŭropu błakitnavokija, ale ciemnaskuryja ludzi prybyli kala 42 tysiač hadoŭ tamu.
Čytajcie jašče:
Błakitny koler vačej — zahadka, adnaznačnaha adkazu na jakuju pakul niama
Hienietyki: amierykanskija indziejcy pryjšli ź Sibiry
Čamu ŭ sabak byvajuć vočy roznaha koleru
Kalifarnijcy prapanavali apieracyju pa źmienie koleru vačej na błakitny
-
Jak abaranić svaje hrošy ŭ ekzatyčnaj pajezdcy? Raić homielski padarožnik, jaki pabyvaŭ amal u 650 haradach śvietu
-
Ci možna sarvać jabłyki z susiedskaha dreva, kali halina źvisaje nad vašym učastkam? Adkaz vas ździvić
-
«Za raz sabraŭ 500 hryboŭ!» Biełarus navučyŭsia biespamyłkova vyznačać supieruradžajnyja palany
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii7
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii
Biełaruskija biznesmieny śpiešna pradajuć doli ŭ svaich polskich transpartnych kampanijach. Što adbyvajecca?2
Kamientary