U samym sercy staroha Minska pradajecca staradaŭni budynak sa znakavym kaliści restaranam. Cana prosta kaśmičnaja
Na handlovaj placoŭcy «Centr pramysłovaj acenki» źjaviłasia cikavaja abjava: na aŭkcyjon vystaŭleny staradaŭni budynak z restaranam.
![](http://d3kcf2pe5t7rrb.cloudfront.net/img/w732d4webp1/photos/z_2024_01/budynak1_240130-o2se9.jpg.webp)
Łot nazyvajecca administracyjnyja budynki z abjektami handlu i hramadskaha charčavańnia RTUP «Handlovy dom «Lehpram». Znachodziacca jany ŭ Rakaŭskim pradmieści Minska pa adrasie vuł. Rakaŭskaja, 18, piša Blizko.by.
Hety budynak 1872 hoda pabudovy. Da revalucyi — abutkovaja fabryka «Skarachod». U mižvajenny čas — pančošna-škarpetkavaja fabryka «Čyrvony tekstylščyk».
Paśla vajny — Minski technikum lohkaj pramysłovaści. Paśla pierajezdu technikuma ŭ 1975 h. — abjadnańni «Biełtekstylpram» i «Biełtrykatažpram». Nie raniej 1978 h. — Respublikanski halinovy vyličalny centr Ministerstva lohkaj pramysłovaści BSSR. Jak bačym, prynaležnaść da śfiery lohkaj pramysłovaści zachavałasia da hetaha času.
U cokalnym paviersie budynka raźmiaščajecca restaran «Panski dranik». Raniej na hetym ža miescy bolš za dziesiać hadoŭ pracavaŭ restaran «Tałaka».
![](http://d3kcf2pe5t7rrb.cloudfront.net/img/w732d4webp1/photos/z_2024_01/budynak2_240130-fc9es.jpg.webp)
Pačatkovy košt łota składaje 3.928.172 rubla 44 kapiejki. Dla ŭdziełu nieabchodna pakinuć zadatak u pamiery 10% ad startavaj cany. Krok aŭkcyjonu składaje 196.408 rubloŭ 63 kapiejki.
Akramia taho, pieramožca tarhoŭ pavinien budzie apłacić uznaharodžańnie arhanizataru tarhoŭ — 2% ad cany prodažu łota, a taksama 600 rubloŭ vydatkaŭ.
Takim čynam, vynikovaja cana staradaŭniaha budynka z restaranam składzie minimum 4.207.673 rubla, abo prykładna 1.321.671 dalar.
Aŭkcyjon adbudziecca 21 lutaha ŭ 13:00.
Kamientary