Minčuk ciaham piaci miesiacaŭ dvojčy ŭmudryŭsia addać hrošy machlaram
Mužčyna ahułam zhubiŭ 50 tysiač rubloŭ.
U žniŭni mužčyna vyrašyŭ zarabić na biržavych tarhach, adhuknuŭšysia na abjavu ŭ miesiendžary. Za dva miesiacy «ŭkłaŭ» u spravu ŭsie svaje źbieražeńni, a kali zachacieŭ atrymać prybytak, vyvieści hrošy nie ŭdałosia. U vyniku iłžebrokieram dastalisia 37 tysiač rubloŭ, pišuć Minsk-naviny.
U śniežni jamu patelefanavali ŭ miesiendžary: mužčyna, jaki nazvaŭsia supracoŭnikam milicyi, zapeŭnivaŭ, što ad imia minčuka chtości sprabuje aformić kredyt u banku. Heta paćvierdzili i ŭ «słužbie biaśpieki» finansavaj ustanovy, kudy nibyta byŭ pieranakiravany zvanok.
U vyniku klijenta ŭhavaryli ŭziać kredyt, kab dapamahčy złavić złamyśnikaŭ, a taksama prapanavali «zastrachavać» svaje źbieražeńni. Davierlivy mužčyna padzialiŭsia piersanalnymi danymi i danymi svajho rachunku: prapała 16 tysiač rubloŭ.
— Usie historyi z padmanam u internecie pačynajucca adnolkava. Złačyncy znachodziać achviaru praz abjavy ab pryvabnym zarobku, a paśla psichałahičnaj apracoŭki zavałodvajuć ich hrašyma. Sproby viarnuć svaje hrošy nazad, naturalna, biespaśpiachovyja, — raspavioŭ namieśnik načalnika UUR HUUS Minharvykankama Andrej Arłoŭski.
U Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy5
Kamientary