Pieršaja viersija vobrazu Miki Mausa pierastała achoŭvacca aŭtarskim pravam
Z 1 studzienia 2024 hoda rańniaja viersija Miki Mausa z karotkamietražnaha multfilma «Parachodzik Vili» stała hramadskim zdabytkam. Ciapier vykarystoŭvać vobraz hetaha piersanaža mohuć usie achvotnyja. Heta ž tyčycca i siabroŭki Miki Mausa Mini, jakaja taksama prysutničaje ŭ hetaj karcinie.
Amierykanski zakon ab aŭtarskich pravach, jaki apošni raz abnaŭlaŭsia ŭ 1998 hodzie, zachoŭvaje aŭtarskuju manapoliju na vobraz piersanažaŭ na praciahu 95 hadoŭ. Akurat ciapier jany praminuli, a tamu dyśniejeŭskaja kampanija pierastała pretendavać na hetyja abliččy hierojaŭ.
Ciapier vobrazy myšaniataŭ mohuć vykarystoŭvać usie achvotnyja, choć pradstaŭniki kampanii adznačyli, što ŭsio adno buduć sačyć za tym, jak ludzi heta robiać.
Stužka, jakaja vyjšła ŭ 1928 hodzie i była pryśviečanaja pryhodam Miki Mausa na račnym sudnie, mieła vialiki pośpiech u hledačoŭ i vyratavała kampaniju Disney ad spustašeńnia. Akramia taho, jana šmat u čym paŭpłyvała na dalejšaje raźvićcio multyplikacyi.
Varta adznačyć, što ŭsie bolš novyja varyjacyi vobrazu hieroja pa-raniejšamu zastajucca abaronienymi aŭtarskim pravam.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary