Rajonka zładziła rejd pa sielskich kramach i ledź znajšła mandaryny
Rajonnaja hazieta «Chojnickija naviny» vyrašyła prajechacca pa sielskich kramach i pahladzieć, što tam možna kupić da navahodniaha stała. Vysnovy niesuciašalnyja.
Žurnalistka rajonki naviedała 5 kram — dziaržaŭnyja i pryvatnyja.
Spačatku zazirnuła ŭ pryvatnuju kramu ŭ Straličava. Ździviŭ dobry vybar kaŭbas i vendžaniny. Harošku niekalki vidaŭ, ahurki z pamidorami jość na pryłaŭkach. Praŭda, ceny trochi kusajucca. Kiłahram pamidoraŭ abydziecca ŭ 11,50 rubla. A voś stronhi žurnalistka nie znajšła, dy i hałoŭnaha navahodniaha frukta — mandarynaŭ — nie było. Ale pradaviec zapeŭniła, što dniami abaviazkova padviazuć.
Dalej pajechali ŭ Chrapkoŭ. Rajonka pryznajecca, što i nie raźličvała na šyroki asartymient Brahinskaha rajspažyŭtavarystva. Ale inhredyjenty dla lubimych sałat usio ž taki tam jość: kukuruza, šampińjony, ananasy (blašanka — 5,27 rubla). Za butelku šampanskaha pryjdziecca vykłaści 9,46 rubla.
«Darahavata, ale raskuplajuć», — padmiačaje žurnalistka.
U ahraharadku Sudkova mandarynaŭ pakul nie pradajuć. Zatoje jość sieladziec sa šprotami, krabavyja pałački, znoŭ ža harošak. Šakaładnych cukierak šmat. Tartoŭ niama, ale ŭžo zamovili.
U Barysaŭščynie pachvalicca vybaram praduktaŭ dziaržaŭnaja krama nie zmoža.
«Biednieńka na pryłaŭkach — harodniny niama, sadaviny mała. Adzinaje — jość šampińjony, kukuruza, ananasy. I nami lubimy harošak», — apisvaje rajonka.
Zatoje pryvatnaja krama ŭ ahraharadku Hlinišča paradavała. Tam znajšli i čyrvonuju rybu (200 h — 14,85 rub.) i mandaryny (1 kh — 7,50 rub.).
«Miarkujučy pa našym paraŭnalnym analizie, možna zrabić vysnovu, što kramy rajspažyŭtavarystva ŭ rajonie nie zmohuć całkam zabiaśpiečyć patreby ludziej u praduktach da navahodniaha zastolla. A voś kamiercyjnyja — praktyčna», — padsumavała rajonka.
Andrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach7
Kamientary