Jašče adzin prysud za finansavańnie pałka Kalinoŭskaha. Piać hadoŭ kałonii za 1200 rubloŭ danataŭ
Minski abłasny sud vynies prysud pa spravie za finansavańnie pałka Kalinoŭskaha.
Abvinavačvańnie było vystaŭlena pa č. 2 art 361-3 Kryminalnaha kodeksa (finansavańnie dziejnaści pa viarboŭcy, navučańni, inšaj padrychtoŭcy dla ŭdziełu na terytoryi zamiežnaj dziaržavy va ŭzbrojenym farmiravańni adnaho z supraćlehłych bakoŭ, va ŭzbrojenych kanfliktach, vajennych dziejańniach).
Z paviedamleńnia prakuratury ab vyniesienym prysudzie vynikaje, što abvinavačany adpraviŭ na adras pałka 10 bankaŭskich pieravodaŭ na sumu bolšuju za 1200 rubloŭ.
Jamu pryznačana pakarańnie ŭ vyhladzie pazbaŭleńnia voli na termin 5 hadoŭ z adbyvańniem u papraŭčaj kałonii va ŭmovach uzmocnienaha režymu.
Prysud nie ŭstupiŭ u zakonnuju siłu i moža być abskardžany abo apratestavany.
«Viasna» paviedamlaje, što razmova idzie pra 31-hadovaha Česłava Kananoviča.
Kamientary