Za dva dakazanyja kradziažy 75-hadovy kardynał Andžeła Bieču prysudžany da 5,5 hadoŭ źniavoleńnia, da «viečnaha vyhnańnia ź dziaržaŭnaj pasady» i štrafu na sumu 8 tysiač jeŭra. Heta samy vysokapastaŭleny śviatar Katalickaj carkvy, jaki paŭstaŭ pierad zvyčajnym kryminalnym sudom Vatykana.
Razam z vysokapastaŭlenym śviatarom pa spravie ab machlarstvie, złoŭžyvańniach, nadańni chłuślivaj infarmacyi, karupcyi, admyvańni hrošaj, apublikavańni sakretnych dakumientaŭ prachodziła jašče 9 čałaviek, havorycca ŭ pres-relizie słužby druku Śviatoha Pasadu.
Padsudnyja abvinavačvalisia ŭ nabyćci nieruchomaści dla Śviatoha Pasadu ŭ Łondanie z parušeńniami i złoŭžyvańniami.
Praces doŭžyŭsia 2,5 hoda. Śledstva aceńvała «finansavuju ŭciečku» ŭ bolš čym 200 młn jeŭra.
Eks-mieniedžar Čečylija Marońja, ź jakoj Bieču źviazvali asabliva daviernyja stasunki, prysudžanaja da troch hadoŭ i 9 miesiacaŭ turmy. Inšym prysudzili roznyja terminy, jakija nie pieravyšajuć 7,5 hoda, i roznyja štrafy.
Raniej Bieču byŭ vymušany padać u adstaŭku z pasady prefiekta Kanhrehacyi prasłaŭleńnia śviatych, adračysia ad pravoŭ, źviazanych z kardynalskim sanam, i byŭ faktyčna adchileny ad kuryi ŭ vieraśni minułaha hoda ŭ suviazi z padazreńniami ab jaho datyčnaści da hetaha hučnaha finansavaha skandału.
«Ja taja jašče pamidorka». Što Ihar Tur piša ŭ telehram-čatach sa svajho asnoŭnaha akaŭnta5
Kamientary