Paraŭnali ceny na aŭtazapčastki ŭ Biełarusi, Polščy i Litvie. Roźnica ŭražvaje
Pahladzieli, kolki kaštujuć anałahičnyja zapčastki ŭ Biełarusi i dźviuch susiednich krainach ES, kudy biełarusy čaściakom jeździać na zakupy.
Ceny na remień HRM u Biełarusi, Litvie i Polščy
Dla prykładu, voźmiem papularny ŭ Biełarusi aŭtamabil Renault Grand Scenic z 1.5 dci pad kapotam, jaki aproč «Scenika», staviŭsia i na šerah inšych madelej kancerna.
Kamplekt remienia HRM z pompaj firmy DAYCO u Biełarusi kaštuje 557 rubloŭ, što kala 160 jeŭra.
U Litvie anałahičny kamplekt možna nabyć za 86 jeŭra, a ŭ Polščy za 350 złotych — heta kala 80 jeŭra.
Ceny na kamplekt sčapleńnia ŭ Biełarusi, Litvie i Polščy
Kamplekt sčapleńnia SACHS u nas pradajecca za 485 rubloŭ (kala 145 jeŭra). U Litvie jaho možna znajści za 75 jeŭra, a ŭ Polščy za 310 złotych, što kala 70 jeŭra.
Ceny na ryčah padvieski ŭ Biełarusi, Litvie i Polščy
Ryčah padvieski Febi Bilstein na Renault Grand Scenic 4 u nas pradajecca za 480 rubloŭ, ci kala 140 jeŭra. U Polščy 305 złotych (kala 70 jeŭra), a ŭ Litvie anałahičnaja zapčastka kaštuje 80 jeŭra.
Ceny na stojku amartyzatara ŭ Biełarusi, Litvie i Polščy
Stojka amartyzatara MONROE na hety aŭtamabil u biełaruskich internet-kramach pradajecca za 305 rubloŭ, što kala 90 jeŭra.
U Polščy hetuju detal možna nabyć za 200 złotych (45 jeŭra), u Litvie taki amartyzatar taksama kaštuje 45 jeŭra.
Vyhladaje, što biełaruskich aŭtaamataraŭ, ad taho, kab nie zbankrutavać na absłuhoŭvańni aŭto, ratuje tolki najaŭnaść zapčastak kitajskaj vytvorčaści, bo jany našmat tańniejšyja za tyja, što vyrablajuć suśvietnyja brendy.
Ceny na matornyja alivy ŭ Biełarusi, Litvie i Polščy
Motul 8100 X-clean+ 5W-30 5ł u Minsku pradajecca za 215 rubloŭ (kala 63 jeŭra), u Polščy — pa 190 złotych (kala 43 jeŭra). U Litvie hetaja aliva taksama pradajecca pa 43 jeŭra za 5 litraŭ.
Shell Helix Ultra 5W-40 4 ł u nas kaštuje ad 125 rubloŭ, u susiednich krainach ES — 28 jeŭra, a padčas akcyi ŭ adnoj ź litoŭskich kram, jaho možna nabyć pa 24 jeŭra za 4 litry.
Piać litraŭ Elf Evolution Full-Tech FE 5W-30 u nas kaštuje 164 rubli (kala 48 jeŭra), a ŭ susiednich Polščy i Litvie na 10 jeŭra tańniej — pa 38 jeŭra za 5 litraŭ.
Istotnaja roźnica ŭ cenach na anałahičnyja aŭtamabilnyja tavary ŭ Biełarusi i dźviuch susiednich krainach ES zrabili papularnym šery impart. Pradprymalnyja hramadzianie z dapamohaj admysłovych čataŭ u Telegram pierapraŭlajuć zapčastki ź Jeŭropy ŭ Biełaruś.
Usie jany ŭvoziacca pad vyhladam tavaraŭ dla asabistaha karystańnia. Paśla ich realizujuć praz rynki, markietpłejsy, raznastajnyja barachołki i čaty ŭ Viber i Telegram. Pra anłajn-hipiermarkiet u telehramie «Naša Niva» pisała raniej.
Čytajcie taksama:
Paraŭnali ceny na novyja zimovyja šyny ŭ Biełarusi, Polščy i Litvie. Vynik niečakany
Samyja papularnyja aŭto z ZŠA, jakija lubiać biełarusy
«Aŭtabiznes» skončyŭsia. Što za vydańnie heta było
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali, što heta rasijanie jaho viaduć. Nie, za im staić supierahient Łukašenki25
Kamientary
Možietie sravniť cieny na bytovuju tiechniku, ručnoj elektro-instrumient, santiechniku, słožnuju elektroniku, strojmatieriały, tolko sravnivajtie na firmiennyj instrumient i matieriały jevropiejskich proizvoditielej, jeśli najdiotie v Biełarusi, a nie s podiełkami kitaj-saraja, kotorymi zavaleny połki biełorusskich mahazinov. Raźbiežka v razy.
No, biełorusy płatiat za kitajskij noniejm, kitaj-saraj, kak jevropiejcy za firmiennyje rrodukty izhotovlennyje v Jevropie, i kak dieti radujutsia svojej niŝietie v propahandie łukašienki.