Pahladzieli, jakija aŭtamabili sa Štataŭ čaściej za ŭsio kuplajuć biełarusy. A taksama nahadali, jak nie dać siabie padmanuć pry vybary takoj mašyny.
VW Jetta
«Narodny» aŭtamabil z-za akijana — VW Jetta siomaj hienieracyi. Ceny na takija aŭto ŭ Biełarusi pačynajucca z adznaki ŭ 15 tysiač dalaraŭ. Ale aryjentavacca na samy niz rynku nie najlepšaja ideja, bo pa nizkich cenach hodnyja varyjanty sustrakajucca vielmi redka. Tamu lepiej aryjentavacca na tysiač 16.
Siomaje pakaleńnie VW Jetta nie maje anałahaŭ u Jeŭropie, tamu absalutna ŭsie mašyny ŭ prodažy pryjechali da nas mienavita sa Štataŭ abo Kanady. Amal usie jany majuć pad kapotam ruchavik abjomam 1,4 litra. Sustrakajucca aŭtamabili jak z aŭtamatyčnaj, tak i ź miechaničnaj karobkaj pieradač.
Z 200 vystaŭlenych na prodaž Jetta tolki 7 majuć pad kapotam 2-litrovy ruchavik. Ceny na takija aŭto pačynajucca ŭžo z 22 tysiač dalaraŭ.
Ford Escape
Bolšaść Escape, pryviezienych u Biełaruś, azdoblenyja «prachadnym» paŭtaralitrovym turbamatoram. Tolki kožny dziasiaty maje pad kapotam 2-litrovy ruchavik. I ŭsiaho 5 z 157 varyjantaŭ — heta hibrydnyja Escape z matoram na 2,5 litra.
Buick Encore
Hety aŭtamabil taksama nie pieršy hod maje vysoki popyt na biełaruskim rynku aŭto z ZŠA. Jon maje anałah u Jeŭropie — Opel Mokka. Usie Buick Encore majuć ruchavik abjomam 1,4 litra, jaki pracuje ŭ pary z AKPP. Siarod fundamientalnych adroźnieńniaŭ, badaj, tolki toj fakt, što hetyja aŭto mohuć być jak piaredniepryvadnymi, tak i poŭnapryvadnymi.
U Biełarusi ceny na Buick Encore 2019 hoda vypusku pačynajucca z 14,5 tysiačy dalaraŭ. Ale bolš za ŭsio prapanoŭ u cenavym dyjapazonie 16-17 tysiač dalaraŭ.
Masłkary. Ford Mustang
Čaściej za ŭsio da nas viazuć Ford Mustang. Ciapier u Biełarusi pradajecca bolš za 50 takich aŭto nie starejšych za 2019 hod. Siarod ich davoli šmat kabryjaletaŭ — 21 z 54.
Za vyklučeńniem niekalkich ekzemplaraŭ, ceny na Mustang ŭ nas startujuć z adznaki ŭ 25 tysiač dalaraŭ. Stolki prosiać za aŭtamabili, u jakich pad kapotam staić ruchavik abjomam 2,3 litra.
Za samy tanny prosiać 39 tysiač dalaraŭ, a za samy darahi — 65 tysiač.
Chevrolet Camaro
Ceny na Chevrolet Camaro nie starejšyja za 4 hady startujuć z 24,5 tysiačy dalaraŭ.
U 30 z 40 varyjantaŭ pad kapotam 2-litrovy mator, 9 mašyn maje ruchavik abjomam 3,6 litra. Ceny na takija aŭto pačynajucca ŭžo z 30 tysiač dalaraŭ. Taksama ŭ prodažy jość adzin Camaro, pad kapotam u jakoha ruchavik na 6,2 litra. Prosiać za taki aŭtamabil 2022 hoda vypusku z prabieham 8 048 kiłamietraŭ 44 100 dalaraŭ.
Dodge Challenger
Chevrolet Equinox
Sapraŭdnym biestsieleram siarod amierykanskich aŭto va ŭzroście da 4 hadoŭ źjaŭlajecca Chevrolet Equinox. Na biahučy momant u Biełarusi pradajecca bolš za 300 takich krasovieraŭ.
Što treba viedać, kali kuplaješ aŭto z ZŠA?
Pieršaje, da čaho varta być hatovym pakupnikam aŭto z ZŠA abo Kanady, — heta avaryjnaje minułaje. Heta nie abaviazkova musić być niešta fatalnaje, ale choć niejkija paškodžańni byli ŭ 99% aŭto, jakija jeduć da nas z hetych krain.
Kali pradaviec zaviaraje, što ŭvieś aŭtamabil u rodnaj afarboŭcy, to heta musić mocna naściarožyć, bo aproč «bitkoŭ» sa Štataŭ pryjazdžaje nie mała «taplakoŭ». Da mašyn paśla zatapleńnia treba stavicca asabliva aściarožna, bo taki aŭtamabil moža stać bombaj zapavolenaha dziejańnia.
Jak nie kupić kiepski aŭtamabil?
Kab nie nabyć aŭtamabil paśla surjoznaha DTZ, zatapleńnia abo sa skručanym prabieham, treba abaviazkova pravieryć jaho historyju.
Kali ŭ internecie nijakaja infarmacyja pa VIN nie znachodzicca, to heta moža być vielmi surjoznym zvanočkam. Bo za hrošy možna vyčyścić usiu infarmacyju ź internetu. I kali pradaviec vykłaŭ na heta niekalki sotniaŭ dalaraŭ, to, vidavočna, jamu było što chavać.
Jašče adzin sposab pravieryć historyju aŭtamabila sa Štataŭ — zamović spravazdaču CARFAX. Servis płatny, i nijakich fota, jak vyhladaŭ aŭtamabil, u spravazdačy niama, ale zapisy pra paškodžańni i ich prykładny charaktar tam buduć.
Kupla na zamovu — ci jość sens?
Taki sposab kupli aŭto z ZŠA dazvalaje atrymać jaho na 15-25% tańniej anałahičnaha aŭto ŭ Biełarusi. Ale treba być hatovymi, što ŭ takim vypadku na zapavietnym aŭto vy budziecie jeździć tolki praz 3-6 miesiacaŭ, bo 2-4 miesiacy treba na toje, kab aŭtamabil dabraŭsia da Biełarusi. Plus spatrebicca niejki čas na pošuk zapčastak i ramont.
Nie ŭsio tak radasna, jak moža zdacca. Jakija pošliny na aŭto isnujuć u ES
Kubrakoŭ davodziŭ, što milicyjant Zhirski nie datyčny da bandy nalotčykaŭ. Ciapier taho sudziać — pahražaje da 20 hadoŭ3
Kamientary