Novaja funkcyja Google dazvolić lahčej praviarać aŭtentyčnaść i krynicy vyjaŭ u internecie
Karystalnik atrymaje historyju kankretnaj vyjavy, infarmacyju pra toje, jak jana vykarystoŭvałasia ŭ internecie, taksama lahčej stanie vyznačyć, ci była vyjava zroblenaja pry dapamozie štučnaha intelektu.
Jašče ŭ traŭni Google abviaściŭ, što jon pracuje nad funkcyjaj pad nazvaj «pra hetuju vyjavu» (about this image), jakaja daje karystalnikam pravieranyja danyja adnosna luboj fatahrafii ŭ internecie.
Ciapier kampanija abviaściła, što dadaje hetuju novuju funkcyju, jakaja budzie pracavać jak častka pošuku — tak što zaraz ciažka budzie vydavać čužyja fatahrafii ci vyjavy za svaje.
Pracavać heta budzie maksimalna prosta. Dastatkova skarystacca pošukam Google, abrać malunak, jaki vy chočacie pravieryć, nacisnuć na try kropki ŭ pravym vierchnim kucie i abrać u vypadalnym mieniu «About this image».
Vy atrymajecie kupu karysnaj infarmacyi: naprykład, kali vyjava była pieršapačatkova apublikavanaja, ci publikavałasia jana jašče z taho času i dzie źjaŭlałasia na praciahu hadoŭ.
Vidavočnaj i asnoŭnaj metaj vykarystańnia novaj pryłady źjaŭlajecca baraćba z dezynfarmacyjaj.
Zaraz možna davoli prosta pravieryć, naprykład, ci źjaŭlajecca vyjava zakonnaj; ci nie była jana vyrvanaja ź niejkaha histaryčnaha kantekstu; jak inšyja sajty vykarystoŭvajuć i apisvajuć vidarys. Heta padobna da ŭžo prezientavanaj u hetym hodzie funkcyi «pra hety vynik» (about this result): try kropki pobač z bolšaściu vynikaŭ pošuku Google, naciskajučy na iakija, karystalnik moža daviedacca bolš ab tym, adkul pachodzić znojdzienaja infarmacyja i jak pošukavaja sistema vyznačyła, što vynik budzie karysnym. U takim kantekście vy možacie pryniać bolš abhruntavanaje rašeńnie ab sajtach, jakija vy chočacie naviedać, i ab tym, jakija vyniki buduć dla vas najbolš karysnymi.
Vyjavy, stvoranyja hienieratyŭnymi madelami ŠI, moža być ciažka adroźnić ad aryhinalnych vidarysaŭ. Tamu pryłada Google taksama dazvalaje daviedacca, ci była vyjava stvorana štučnym intelektam. Adnak heta zaležyć ad mietadanych, jakija ŭklučajuć hetuju infarmacyju, tamu stvaralnikam aryhinalnych vidarysaŭ varta było b dadavać admysłovyja mietadanyja da svaich prac, jak heta robić, naprykład, novaja kamiera ad Leica. Google kaža, što jaho ŭłasnyja vyjavy, stvoranyja štučnym intelektam, zaŭsiody buduć mieć adpaviednyja mietadanyja.
Heta nie adziny instrumient, jaki Google vypuskaje, kab zabiaśpiečyć dadatkovyja niuansy pravierki pry pošuku malunkaŭ, napaminaje Engaget. Fact Check Explorer, dastupnaja na roznych movach i zručnaja pryłada dla žurnalistaŭ i nie tolki, nieŭzabavie budzie pašyrana, kab mieć mažlivaść praviarać taksama i vyjavy.
«Ja taja jašče pamidorka». Što Ihar Tur piša ŭ telehram-čatach sa svajho asnoŭnaha akaŭnta11
Kamientary