Dziaržduma RF ratyfikuje pahadnieńnie ź Biełaruśsiu ab centrach sumiesnaj bajavoj padrychtoŭki
Prezident RF Uładzimir Pucin unios na ratyfikacyju ŭ Dziarždumu pahadnieńnie ź Biełaruśsiu ab stvareńni i funkcyjanavańni navučalna-bajavych centraŭ sumiesnaj padrychtoŭki vajskoŭcaŭ uzbrojenych sił RF i Biełarusi, piša TASS.
«Ratyfikavać pahadnieńnie pamiž Rasijskaj Fiederacyjaj i Respublikaj Biełaruś ab stvareńni i funkcyjanavańni navučalna-bajavych centraŭ sumiesnaj padrychtoŭki vajennasłužačych uzbrojenych sił Rasijskaj Fiederacyi i Respubliki Biełaruś, padpisanaje ŭ horadzie Minsku 28 sakavika 2023 hoda», — havorycca ŭ tekście prajekta.
Asnoŭnymi zadačami centraŭ, u pryvatnaści, zjaŭlajucca: sumiesnaja bajavaja padrychtoŭka, dziažurstva voinskich kantynhientaŭ bakoŭ, abmien dośviedam u pytańniach bajavoha prymianieńnia dziejnych uzoraŭ uzbrajeńnia, vajskovaj i śpiecyjalnaj techniki.
Adznačajecca, što asabovy skład voinskich kantynhientaŭ u pieryjad vykanańnia sumiesnych zadač u składzie vučebna-bajavoha centra maje formu adzieńnia i znaki adroźnieńnia, ustanoŭlenyja ŭ nacyjanalnych uzbrojenych siłach, kali nie budzie pryniata inšaje ŭzhodnienaje rašeńnie.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary