Sieŭ na skutar i źjechaŭ z krykam «Ałach akbar!» Padrabiaznaści stralby ŭ Brusieli
35 tysiač hledačoŭ, jakija pryjšli na matč zbornych Šviecyi i Bielhii pa futbole ŭ Bruseli, nie mahli pakinuć stadyjon čatyry hadziny paśla zabojstva terarystam dvuch šviedskich zaŭziataraŭ. Heta, miarkujecca, byŭ 45-hadovy Abdesalem Ł., jaki naradziŭsia ŭ Tunisie, ale žyŭ u stalicy Bielhii.
Terarystyčny akt adbyŭsia ŭ Brusieli ŭ paniadziełak uviečary. Dva šviedy zahinuli ŭ vyniku pierastrełki niedaloka ad płoščy Sienktelet. Padazravany, jaki zajaviŭ ab svajoj prynaležnaści da IDIŁ, pakul znachodzicca na voli. U Bruseli pahroza pavyšanaja da 4-ha ŭzroŭniu, piša Le Soir.
Zdareńnie adbyłosia ŭ 19:14 pa miascovym časie (20:14 pa Minsku) na rahu bulvara Ipr i bulvara Dziaviataj linii.
Uzbrojeny mužčyna, apranuty ŭ nieonavy spartyŭny kaścium, saskočyŭ sa skutara. Jon stralaŭ u minakoŭ, pieraśledavaŭ ludziej, što chavalisia ŭ viestybiuli budynka, u jakim raźmieščany ofisy Fłamandskaha žyllovaha fondu. Jon taksama streliŭ u čałavieka ŭnutry budynka z bajavoj zbroi typu AR-15, a zatym dabiŭ jaho strełam u hałavu.
Treci čałaviek atrymaŭ ahniastrelnaje ranieńnie, heta byŭ kiroŭca taksi, ale jaho žyćcio «pa-za niebiaśpiekaj».
Zatym strałok sieŭ na svoj skutar i kryknuŭ «Ałach Akbar!», paśla čaho źjechaŭ.
U hety čas padazravany ŭsio jašče znachodzicca na voli. Zhodna ź pieršapačatkovym materyjałam rasśledavańnia, jaho zavuć Abdesalem Ł.
Havorka idzie pra 45-hadovaha tunisca, jaki pražyvaje ŭ Bruseli. Jon zapisaŭ videa, dzie zajaviŭ pra svaju prynaležnaść da «Isłamskaj dziaržavy».
Premjer-ministr Alaksandr de Krao nazvaŭ hety akt «bajaźlivym napadam». Jon taksama paćvierdziŭ, što teraryst śpiecyjalna pieraśledvaŭ šviedskich hramadzian. Bruselski rehijon pieraviedzieny na 4-y maksimalny ŭzrovień nadzvyčajnaha stanovišča.
Matč adboračnaha turniru da čempijanatu Jeŭropy pa futbole Bielhija — Šviecyja byŭ admienieny, adnak jon nie mieŭ nijakaha turnirnaha značeńnia. Bielhija zavajavała pucioŭku na Jeŭra-2024 u minułuju piatnicu, a Šviecyja straciła šancy tudy trapić.
Tym nie mienš 35 tysiač zaŭziataraŭ doŭhi čas znachodzilisia na svaich miescach, a evakuacyja sa stadyjona ciahnułasia čatyry hadziny.
09:36
Padazravany ŭ zabojstvie dvuch šviedskich zaŭziataraŭ u Brusieli likvidavany ŭ adnym z kafe.
Jaho nie mahli adšukać usiu noč.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary