«Źjaviłasia kuča praŭdaŭ». Maks Korž zapisaŭ manałoh — voś pra što jon
Śpiavak Maks Korž vypuściŭ videa, u jakim dzielicca svaimi razvahami pra žyćcio i davodzić, što mahčymaść «žyć u kajf» skončyłasia i my viarnulisia ŭ «žyviolny śviet». Znajomim z asnoŭnymi dumkami.
U 16-chvilinnym manałohu śpievaka šmat namiokaŭ, pafasu i liryki.
«Dzie vy, ludzi, dobryja ludzi, jakich ja ŭsio žyćcio sustrakaŭ na svaim šlachu?» — zadajecca pytańniem Korž.
«Kožny z nas zhubiŭ vieru ŭ ludziej. Kožny z nas znachodzicca ŭ padviešanym stanie. Ab toje, na čym trymaŭsia naš śviet, ab usie našy kaštoŭnaści vycierli nohi. Źjaviłasia kuča praŭdaŭ», — kaža Korž.
Śpiavak škaduje, što hetyja «jany» razburyli zvykły śviet, dzie bačyłasia budučynia.
«My nadta dobra žyli ŭ śviecie «žyć u kajf». Chto zaciahnuŭ nas nazad, nazad u «žyviolny śviet»? Jak u ich atrymałasia viarnuć nas tudy, dzie być miarzotnikam — heta lehalna, dzie być niadobrym čałaviekam zaachvočvajecca?»
Hetyja «jany», praciahvaje Korž, zaŭsiody byli pobač.
«Paviercie, ich nie tak šmat, ale ich dastatkova, kab spahanić nam žyćcio. Heta z-za ich siońnia ludzi patanajuć u kryvi.
Kolki hora jany prynieśli, kolki siemjaŭ razburyli, kolki losaŭ. Pry ŭsim pry hetym im jašče chapaje nachabnaści abvinavačvać samich ža ludziej u tym, što adbyvajecca navokał».
Korž pryznajecca, što bolš za ŭsio jaho ŭražvajuć prostyja ludzi, jakija pačynajuć havaryć «ich» słovami.
«Praciahvajcie, niahledziačy ni na što. Niachaj havorać: «Tak, jak raniej, užo nie budzie». U nas z vami dakładna budzie. Narmalnych ludziej pa-raniejšamu bolšaść», — kaža śpiavak svaim adnadumcam.
Jon nahadvaje, što ŭ kožnaha jość siabry i siamja. A trymacca dapamoža muzyka.
«Jany zabrali ŭsio. Jany zabrali navat internet. Ale adzinaje, čaho jany nie mohuć u nas zabrać, — heta muzyka».
Čytajcie jašče:
«Nie sosčitať už tut v pakietach tieł». Maks Korž prezientavaŭ novuju pieśniu
Ryha pačynaje padrychtoŭku da hrandyjoznaha kancerta Maksa Karža. Płanujecca ŭdzieł bolš za 35 tysiač naviednikaŭ
Žycharcy Mahilova pahražajuć kryminałkaj za toje, što źniała ranišniuju čarhu ŭ rehistraturu1
Kamientary