Žančyna źniała, jak DAI štrafuje jaje dačku za adsutnaść flikiera. Da jaje prysłali AMAP i «ŭžyli siłu»
U Łojeŭskim rajonie bajcy AMAPa zatrymali žančynu, aštrafavali za niepadparadkavańnie i zaviali kryminalnuju spravu pa artykule ab raspalvańni varožaści, bo «nie varta błytać łajalnaść pravaachoŭnikaŭ z prajavami słabaści».
Červieńskim viečaram DPS Łojeŭskaha RAUS u vioscy Byvalki Łojeŭskaha rajona pabačyła dziaŭčynu, jakaja ruchałasia bieź flikieraŭ. Jaje zaprasili ŭ słužbovy aŭtamabil dla składańnia administracyjnaha pratakoła.
Da mašyny DAI padyšła i 39-hadovaja maci dziaŭčyny. Jana stała zdymać videa, jakoje paźniej vykłała ŭ internet.
Jak paviedamlaje UUS Homielskaha abłvykankama, žančyna «ŭsialak sprabavała pieraškadžać viadzieńniu administracyjnaha pracesu, zdymała toje, što adbyvajecca na telefon,
emacyjna kamientavała dziejańni supracoŭnika milicyi i davała acenku dziejańniam pravaachoŭnikaŭ u cełym».
Paźniej dadomu da žančyny prybyła śledča-apieratyŭnaja hrupa, jakaja abviaściła, što ŭ adnosinach da jaje pravodzicca pravierka pa fakcie publičnaj abrazy pradstaŭnika ŭłady. Joj prapanavali prajechać u RAUS, ale žančyna admoviłasia.
«Bajcy AMAPa UUS Homielščyny z vykarystańniem fizičnaj siły dastavili «bujnuju» žančynu ŭ aŭtatranspart», — piša sajt milicyi.
Na žančynu skłali pratakoł ab niepadparadkavańni i aštrafavali na 185 rubloŭ.
18 žniŭnia ŭ dačynieńni da jaje raspačali kryminalnuju spravu pa artykule ab raspalvańni sacyjalnaj varožaści abo varožaści ŭ dačynieńni da supracoŭnikaŭ milicyi.
«Supracoŭniki milicyi pry vykanańni słužbovych abaviazkaŭ zaŭsiody dobrazyčlivyja, z pavahaj staviacca da ŭsich hramadzian. Ale nie varta błytać łajalnaść pravaachoŭnikaŭ z prajavami słabaści», — prakamientavaŭ načalnik UUS Homielskaha abłvykankama hienierał-major milicyi Alaksandr Šastajła.
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3131
Kamientary
Priam, hieroi v omonie! Pa mJadali každomu!... I kvartirie.