Śviatłana Cichanoŭskaja stała łaŭreatkaj premii Anny Lind za 2023 hod. Hetaja premija tradycyjna ŭručajecca za «advahu ŭ baraćbie z abyjakavaściu, pieraduziataściu, pryhniotam i niespraviadlivaściu, za dobraje žyćcio dla ŭsich ludziej u navakolnym asiarodździ, pavahu da pravoŭ čałavieka».
«Śviatłana Cichanoŭskaja ŭziała na siabie ni z čym nie paraŭnalnuju adkaznaść, kali, ryzykujučy ŭłasnaj biaśpiekaj, paśla falsifikacyi prezidenckich vybaraŭ u Biełarusi ŭ 2020 hodzie ŭznačaliła narodnyja pratesty za demakratyju», — zajaviła staršynia Fondu Anny Lind Lena Chjelm-Valen.
Jana taksama adznačyła, što Śviatłana Cichanoŭskaja praciahvaje baraćbu i stała simvałam svabodnaj i demakratyčnaj Biełarusi. «Za heta jana atrymlivaje premiju Anny Lind u 2023 hodzie», — patłumačyła staršynia fondu.
Premija budzie ŭručanaja na cyrymonii ŭ Stakholmie 11 vieraśnia, u hadavinu hibieli Anny Lind.
Anna Lind była ministarkaj zamiežnych spraŭ Šviecyi, uznačalvała MZS z 1998 da 2003 hoda. 10 vieraśnia 2003 hoda na jaje byŭ ździejśnieny zamach. U supiermarkiecie ŭ centry Stakholma nieviadomy nanios joj niekalki nažavych udaraŭ i ŭciok. Palityk pamierła na nastupny dzień u balnicy.
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary3
Kamientary