Brend «Echo Moskvy» moža pierajści dziaržavie. Zajaŭku na tavarny znak padała «Rośsija siehodnia»
Łahatyp, padadzieny ŭ zajaŭcy, całkam supadaje z tym, što byŭ u likvidavanaj radyjostancyi «Echo Moskvy», jakuju ŭznačalvaŭ Alaksiej Vieniadziktaŭ.
Miedyjahrupa «Rośsija siehodnia» padała zajaŭku na rehistracyju brenda «Echo Moskvy». Uładalniki mohuć asprečyć pierachod tavarnaha znaka dziaržavie, ale, vidać, nie buduć hetaha rabić. Pra heta Bi-bi-si raspavioŭ hałoŭny redaktar «Echa» Alaksiej Vieniadziktaŭ.
Łahatyp, pradstaŭleny ŭ zajaŭcy, całkam supadaje z tym, što byŭ u likvidavanaj radyjostancyi «Echo Moskvy», jakuju ŭznačalvaŭ Alaksiej Vieniadziktaŭ.
«Heta jak pierapisvańnie padručnika historyi, «umacoŭvajuć minułaje». U toj ža łohicy. I heta projdzie», — tak prakamientavaŭ u svaim telehram-kanale Alaksiej Vieniadziktaŭ paviedamleńnie ab padačy zajaŭki na brend «Echo Moskvy».
U pres-słužbie miedyjahrupy «Rośsija siehodnia» zajavili, što zajaŭka była adpraŭlena «ŭ suviazi sa skančeńniem terminu rehistracyi hetaha tavarnaha znaka ŭ jaho ŭładalnika». «Varyjanty budučaha vykarystańnia brenda niama sensu abmiarkoŭvać, pakul pastanova nie pryniataja dziaržorhanami», — havorycca ŭ zajavie.
Padača zajaŭki na brend «Echo Moskvy» stavić pierad saboj zadaču praduchilić viaščańnie ŭ Rasii pad hetym brendam inšych struktur, a sama «Rośsija siehodnia» vychodzić u efir z hetaj nazvaj nie płanuje.
Taki mietad prymianiaŭsia ŭ 2021 hodzie, kab pieraškodzić pracy prajekta «Razumnaje hałasavańnie» Alaksieja Navalnaha. Tady małaviadomaja kampanija «Vulintertrejd» u paskoranym režymie zarehistravała pravy na tavarny znak sa słovazłučeńniem «Razumnaje hałasavańnie» i zapatrabavała ad technahihantaŭ — «Google» i «Jandeks» — spynić u pošuku vydavać sajty sa zhadvańniem prajekta.
Rasijskija ŭłady ŭ sakaviku minułaha hoda abvinavacili «Echo Moskvy «ŭ raspaŭsiudzie iłžyvych źviestak pra vajnu, paśla čaho rašeńniem rady dyrektaraŭ stancyi, jakaja ŭvachodzić u chołdynh «Hazprom-Miedyja», była likvidavanaja. Paśla hetaha Vieniadziktaŭ i inšyja papularnyja viadučyja «Echa» praciahnuli vypuskać prahramy na YouTube.
Radyjočastatu «Echa» atrymała radyjo «Sputnik», jakoje ŭvachodzić u mižnarodnaje infarmacyjnaje ahienctva «Rośsija siehodnia».
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary