Kali vam nadakučyli piure i kašy, trymajcie recept nievierahodnaha harniru z maładoj bulby. Smačna, prosta i karysna.
Fota: Seasons and Suppers
Kab pryhatavać bulbu sa śmietankovym sousam i haroškam, spatrebicca:
- 12 maleńkich maładych bulbin
- 1 šklanka śviežaha zialonaha harošku, možna vykarystoŭvać zamarožany
- 1 st. ł. padsolenaha masła
- 2 st. ł. čyrvonaj cybuli, drobna narezanaj, možna vykarystoŭvać i žoŭtuju cybulu, kali niama čyrvonaj
- 1 st. ł. muki
- 1 šklanka małaka
- 1 č. ł. soli
- drobka cukru
- śviežamołaty pierac
- Zakipiacicie vadu ŭ dźviuch kastrulach siaredniaha pamieru. Dadajcie harošak u kipiačuju vadu. Nie salicie, ale dadajcie ŭ vadu drobku cukru. Varycie 3—5 chvilin. Źlicie vadu i adkładzicie harošak ubok.
- Kali bulba nie drobnaja, razrežcie jaje na pałavinki. Hatujcie ŭ padsolenaj kipiačaj vadzie da hatoŭnaści, kala 10 chvilin (sprabujcie nažom). Źlicie vadu i adkładzicie ŭbok.
- U vialikaj patelni na siarednim ahni razahrejcie masła. Dadajcie cybulu i hatujcie, pamiešvajučy, pakul cybula nie źmiaknie. Dadajcie muku i hatujcie, uvieś čas pamiešvajučy, kala chviliny. Pačynajcie pavolna dadavać małako, bieśpierapynna pamiešvajučy, da atrymańnia adnastajnaj masy. Dadajcie varany harošak i bulbu, pasalicie i papierčycie. Źlohku pamienšycie ahoń i dajcie padliŭcy pakipieć na pavolnym ahni, pakul jana nie zahuścieje da kansistencyi śmietankovaj padliŭki. Pakaštujcie i pry nieabchodnaści dadajcie jašče soli i piercu (smak nie pavinien być presnym).
- Pierakładzicie na sierviravalnuju talerku.
Bolš receptaŭ:
Cybryki, abo bulbianyja krakiety — zakuska, jakuju źjaduć chutčej, čym vy jaje pryhatujecie
Mieksikanskaja kiesadylja z kurycaj, fasolaj, harodninaj i syram
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary11
Kamientary