Na podstupach da Kijeva SPA źniščyła ŭsie varožyja «Šachiedy».
U noč na 19 lipienia rasijanie nanieśli pa Adesie masiravany ŭdar rakietami roznych typaŭ i ŭdarnymi dronami. Ad hadziny nočy ŭ horadzie čulisia vybuchi. Pieršyja vybuchi prahučali ŭ 01:04, zatym u 01:50 byli zafiksavanyja paŭtornyja puski kryłatych rakiet «Kalibr» z Čornaha mora.
Paśla druhoj hadziny nočy Pavietranyja siły paviedamili ab paŭtornych puskach kryłatych rakiet Ch-22 z paŭdniovaha napramku i zaklikali žycharoŭ Adeskaj vobłaści znachodzicca ŭ schoviščach, piša «Ukrainskaja praŭda».
A treciaj hadzinie nočy znoŭ byŭ zafiksavany prylot, a čaćviortaj hadzinie nočy taksama prahučaŭ vybuch. Pavietranuju tryvohu ŭ horadzie i vobłaści nie abjaŭlali.
Nočču i na dośvitku 19 lipienia vorah atakavaŭ stalicu i Kijeŭščynu ŭdarnymi dronami.
Kiraŭnik vajennaj administracyi Siarhiej Papko adznačyŭ, što jašče na podstupach da stalicy SPA vyjaviła i źniščyła ŭsie varožyja drony.
Jon dadaŭ, što, pavodle papiarednich źviestak, achviar i razbureńniaŭ niama, ale źviestki jašče ŭdakładniajucca.
Kamientary