Pra toje, što ZŠA pryniali rašeńnie pieradać Ukrainie kasietnyja bojeprypasy, paviedamiŭ daradca prezidenta ZŠA pa nacyjanalnaj biaśpiecy Džejk Salivan.
Salivan pry hetym adznačyŭ, što Vašynhton razumieje ryzyku, jakuju ŭžyvańnie kasietnych snaradaŭ va Ukrainie niasie dla mirnaha nasielnictva. Mienavita tamu ZŠA doŭha adkładali rašeńnie ab ich pieradačy, ale, narešcie, jaho pryniali.
U Vašynhtonie pry hetym padkreślili, što Ukraina budzie vykarystoŭvać kasietnyja bojeprypasy tolki na svajoj terytoryi, minimizujučy ryzyku dla ŭłasnaha nasielnictva.
Pastaŭka kasietnych bojeprypasaŭ Ukrainie — heta časovaja miera, jak padkreśliŭ Salivan. Jana pryniataja na čas naroščvańnia abjomaŭ vytvorčaści zvyčajnych artyleryjskich bojeprypasaŭ.
Pra toje, što takoje rašeńnie, chutčej za ŭsio, budzie amierykanskim uradam pryniata, učora paviedamlali na asnovie insajdarskaj infarmacyi zachodnija miedyja.
Kasietnyja bojeprypasy zvyčajna vypuskajuć vialikuju kolkaść drobnych elemientaŭ, jakija mohuć paražać i zabivać cyvilnaje nasielnictva. Taksama ŭ hetych bojeprypasaŭ paraŭnalna vysoki pracent vypadkaŭ, kali jany nie vybuchajuć, praz što jany ŭjaŭlajuć niebiaśpieku na praciahu mnohich hadoŭ paśla zaviaršeńnia vajennaha kanfliktu.
U 2008 hodzie bolš za 120 krain padpisali damovu ab zabaronie vytvorčaści, vykarystańnia i nazapašvańnia kasietnych bojeprypasaŭ. Złučanyja Štaty, Rasija i Ukraina, adnak, admovilisia dałučycca da jaje.
Prabiełaruskija łukašysty jadnajucca suprać prarasijskich4
Prabiełaruskija łukašysty jadnajucca suprać prarasijskich
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami1010
Kamientary