Sud Zavodskaha rajona Minska 16 červienia pryznaŭ «ekstremisckimi» bolš za dva dziasiatki telehram— i jutub-kanałaŭ, staronak u sacyjalnych sietkach, čataŭ i botaŭ, jak piša «Viasna».
Siarod tych, kamu prysvoili novy status, i telehram-kanał rasijskaha palitołaha Andreja Suzdalcava, jaki doŭhi čas žyŭ u Biełarusi i śpiecyjalizavaŭsia na biełaruskaj temie. Jon zaŭsiody byŭ krytyčna nastrojeny da Łukašenki, u toj ža čas jaho padazrajuć u suviaziach z rasijskimi ŭładami i śpiecsłužbami.
Akramia taho, u hety ž dzień pryznanyja «ekstremisckimi» na terytoryi Biełarusi sacyjalnyja sietki «Ruskaha dobraachvotnickaha korpusa» i lehijona «Svaboda Rasii».
Taksama «ekstremiscki» śpis papoŭnili:
- Telegram-kanały, čaty i boty «Obr. śviaź BŁbot», «Hniazdo Busłoubot», «Biełarusy za Ukrainu bot», «Orša Lnucha», «(NIE)APOŠNIJA NAVINY», «Žyćcio, kachańnie i śmierć», «Vot tak dieła»;
- Staronki ŭ «Adnakłaśnikach» «Anatolij Aleksandrovič Manulik», «Anatolij Manulik», «Śvietłohorsk, Biełaruś. Novosti. Doska objavlenij»;
- Instagram-staronka «panda.news.bu»;
- Sajt i sacyjalnyja sietki prajekta «Eto Minsk, dietka»;
- Twitter-staronka «Viciebskaja Viasna»;
- YouTube, «UKantakcie» i Facebook-staronki «Vasil Łapacin»;
- YouTube-kanał «Homielskaja Viesna»;
- Staronka va «UKantakcie» «Sojuz Mieždumoŕja»;
- TikTok-staronki «Tiornier», «žyvie Biełaruś», «Małanka Miedia», «NAŠ DOM TV», «365bel».
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary