Śviet66

U akijanie źnik batyskaf ź ludźmi, jakija vyrašyli pahruzicca da «Tytanika». Kisłarodu na borcie zastałosia mienš, čym na sutki

U hetyja samyja siekundy na hłybini Atłantyčnaha akijana adbyvajecca sapraŭdnaja trahiedyja: užo niekalki dzion i pakul biezvynikova ratavalniki ź niekalkich krain šukajuć ekipaž batyskafa, dla jakoha siońniašni dzień moža stać apošnim.

Fota: aficyjny sajt OceanGate

U rajonie Paŭnočnaj Atłantyki ŭžo try dni iduć pošuki batyskafa kampanii OceanGate, jakaja pahružaje turystaŭ da «Tytanika» za niemałyja hrošy. Suviaź z batyskafam abarvałasia jašče ŭ niadzielu, i na hety momant u ekipaža na borcie zastałosia kisłarodu roŭna na sutki — heta značyć, što ludzi mohuć pamierci ŭžo zaŭtra ranicaj.

Da hetaj trahiedyi prykavana ŭvaha litaralna ŭsiaho śvietu, i mnohija suśvietnyja miedyja (jak, naprykład, Sky News, Bi-bi-si i inšyja) ciapier aśviatlajuć praces pošuku batyskafa. Pryvodzim asnoŭnaje, što viadoma na hety momant.

Ahulnyja źviestki ab zdareńni

U niadzielu, 18 červienia, ranicaj daśledčaje sudna kampanii Ocean Gate pad nazvaj «Polar Prince» prypłyło da miesca, dzie bolš za stahodździe tamu zatanuŭ znakamity «Tytanik». Zatym sudna vypuściła ŭ akijan batyskaf «Tytan» z ekipažam na borcie, jaki adpraviŭsia na hłybiniu da zatanułaha łajniera.

Praz amal dźvie hadziny paśla pačatku pahružeńnia batyskaf pierastaŭ vychodzić na suviaź z sudnam «Polar Price», a toje, u svaju čarhu, ź nieviadomych pryčyn nie stała adrazu paviedamlać u nadzvyčajnyja słužby ab zdareńni. U vyniku pieršaja publičnaja infarmacyja ab stracie batyskafa źjaviłasia tolki praz vosiem hadzin paśla źniknieńnia sihnału.

Zatanuły akijaničny łajnier «Tytanik». Mienavita da jaho niadaŭna pahružaŭsia batyskaf «Tytan» z ekipažam na borcie, ź jakim potym źnikła suviaź i jaki dahetul šukajuć ratavalniki ź niekalkich krain. Fota: Getty Images

Košt adnaho miesca na batyskafie — 250 tysiač dalaraŭ. Ekipaž batyskafa, jaki źnik, składajecca ź piaci čałaviek, heta

  • Stoktan Raš, kiraŭnik amierykanskaj kampanii OceanGate, jakoj i naležyć batyskaf «Tytan»;
  • Pol-Anry Naržale, viadomy francuzski vadałaz i daśledčyk, jaki za svaje šmatrazovyja pahružeńni da «Tytanika» atrymaŭ mianušku «Mistar Tytanik»;
  • Chemiš Chardynh, brytanski miljarder i kiraŭnik kampanii Action Aviation, jakaja pradaje biznesdžety;
  • Šachzada Davud, člen adnoj z najbahaciejšych siemjaŭ Pakistana i adzin z hałoŭnych papiačycielaŭ Instytuta SETI, jaki zajmajecca pošukam pazaziemnych cyvilizacyj;
  • Sulejman, syn Šachzada Davuda, jaki prosta adpraviŭsia z baćkam pahladzieć na «Tytanik».

Pa stanie na hety momant va ŭsich ludziej na borcie batyskafa, jaki źnik, zastajucca litaralna sutki na vyratavańnie, bo ich kisłarod, pa padlikach analitykaŭ i presy, skončycca ranicaj u čaćvier 22 červienia (i heta pry ŭmovie, što ekipaž nie budzie panikavać i raschodavać z-za hetaha bolš kisłarodu).

Pa aktualnaj infarmacyi, ciapier pošukami ludziej zajmajecca piać karabloŭ Bierahavoj achovy ZŠA i jašče čatyry sudny ad Kanady i Francyi znachodziacca na šlachu da miesca zdareńnia. U vyratavalnaj apieracyi taksama biaruć udzieł samaloty, padvodnyja łodki i drony.

Jak paviedamlajuć ratavalniki, u takich ekstremalna ciomnych i chałodnych umovach budzie vielmi składana znajści batyskaf. Pakul što na radarach byli vyjaŭleny niejkija «padvodnyja šumy i palapvańni», adnak ich krynica tak i nie była znojdziena. 

Kamientary6

  • jak
    21.06.2023
    Małazrazumieła, jak tak atrymałasia, što baciskaf jaki spuskajuć u punkcie, a značyć pa-nad samym tytanikam ci kala jaho, ludzi zhubilisia. Takoje adčuvańnie, što heta niejkaje pastanovačnaje šoŭ z chepiendam.
  • Žvir
    21.06.2023
    Kali suviazi niama, značyć i kisłarodu ŭžo nia budzie. Chutčej za ŭsio razhiermietyzacyja. Šukać treba pa płyni, kala miesca pahružeńnia batyskafa ŭžo nia budzie.
  • rom
    21.06.2023
    Kakaja nafih ukraina.. hety cyrk užie adyhrany… davajcia novy- šukajem batyskaf

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ2

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ

Usie naviny →
Usie naviny

Zialenski pavinšavaŭ Trampa z abrańniem kandydatam ad Respublikanskaj partyi i nazvaŭ jaho prezidentam7

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie3

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj17

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie21

bolš čytanych navin
bolš łajkanych navin

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ2

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ

Hałoŭnaje
Usie naviny →