Navukoŭcy rekanstrujavali abličča dziaŭčyny, jakaja pamierła 1300 hadoŭ tamu
Dziaŭčyna naradziłasia niedaloka ad Alpaŭ, imavierna, na poŭdni Hiermanii, i pierajechała ŭ Kiembrydžšyr (Brytanija) paśla siami hadoŭ. Kali jana pryjechała ŭ Anhliju, źmianiłasia i jaje dyjeta.
Z dapamohaj śpiecyjalnaj technałohii rekanstrukcyi navukoŭcy zmahli ŭznavić abličča dziaŭčyny, jakaja pamierła bolš za 1300 hadoŭ tamu, piša Bi-bi-si.
Jaje škilet znojdzieny pachavanym na draŭlanym łožku ŭ Trampinhtanie, Kiembrydžšyr (Brytanija), jašče ŭ 2012 hodzie.
Doktar Sem Lehiet skazała, što, budučy archieołaham, jana pryvykła da biezabličnych ludziej, tamu joj było pryjemna bačyć, jak vyhladała dziaŭčyna.
Mastak-kryminalist Chju Morysan stvaryŭ rekanstrukcyju, vykarystaŭšy danyja ab pamiery čerapa dziaŭčyny i asablivaści jeŭrapieoidnaj rasy.
«Jaje levaje voka było krychu nižej, prykładna na paŭsantymietra, čym pravaje, — heta było b davoli prykmietna pry žyćci», — skazaŭ jon.
Novy śpiecyjalny analiz kostak i zuboŭ dziaŭčyny z VII stahodździa dapamoh bolš daviedacca pra jaje karotkaje žyćcio.
Jana naradziłasia niedaloka ad Alpaŭ, imavierna, u paŭdniovaj Hiermanii, i pierajechała ŭ Kiembrydžšyr paśla siami hadoŭ.
Kali dziaŭčynka pryjechała ŭ Anhliju, źmianiłasia i jaje dyjeta.
«Ciapier my viedajem, što ŭ racyjonie pamienšała kolkaść białku, što śviedčyć pra toje, što na poŭdni Hiermanii jana jeła bolš miasa i małočnych praduktaŭ, čym pa prybyćci ŭ Trampinhtan», — skazała Lehiet.
Daśledavańnie Kiembrydžskaha ŭniviersiteta, apublikavanaje ŭ minułym hodzie, pakazała, što anhłasaksonskija karali da prybyćcia vikinhaŭ byli ŭ asnoŭnym viehietaryjancami.
Daśledčyki ŭžo viedali z papiaredniaha analizu, što pierad śmierciu jana pakutavała ad nieviadomaj chvaroby.
Lehiet, jakaja dapamahała pravodzić izatopny analiz u Kiembrydžskim univiersitecie, pakul nie pierajšła na pracu ŭ Edynburhski ŭniviersitet, adznačyła:
«Mahčyma, joj było błaha, jana prajšła doŭhi šlach u zusim nieznajomaje miesca — navat ježa była inšaj — heta, biezumoŭna, strašna».
Heta pachavańnie — adno z 18-ci na łožku, vyjaŭlenych u Vialikabrytanii, u toj čas jak załaty kryž z hranatami pakazvaje na jaho arystakratyčnaje abo karaleŭskaje pachodžańnie i chryścijanskuju relihiju.
Lehiet kaža, što daśledavańni jeŭrapiejskich pachavańniaŭ na łožkach śviedčać ab pieramiaščeńni nievialikaj hrupy maładych žančyn-arystakratak z hornaj miascovaści ŭ kantynientalnaj Jeŭropie ŭ rehijon Kiembrydž u treciaj čverci VII stahodździa.
Dziaŭčyna mahła prybyć u Anhliju jak niaviesta ci dałučycca da manaskaha ordena, naprykład, u susiednim abactvie Eli.
«Jana vydatny prykład taho, jak možna ažyvić minułaje», — kaža Lehiet.
Čytajcie taksama:
U Ekvadory pamierła žančyna, jakaja tydzień tamu «ažyła» padčas ułasnych chaŭtur
U Estonii lehalizavali adnapołyja šluby
Navukoŭcy stvaryli pieršy ŭ śviecie zarodak čałavieka ŭ łabaratoryi. Jak i hałoŭnaje — navošta?
Kamientary